Aftur til 
Vís undanfarnu úrslit
Argyropelecus hemigymnus
Ljósa silvurøks hevur stuttan, tunnan og høgan bul. Høvdið er stórt, og kjafturin er upprendur. Rørdánað eygu, ið venda beint uppeftir. Sporlið er nakað langt og klænt. Ryggfjøðurin er fremst á sporlinum. Hon hevur lága fitifjøður á sporlinum. Uggafjaðrarnar eru niðast undir kápuni. Gotfjaðrarnar eru tvær. Hon hevur sýldan stert. Týðilig ljósgøgn eru undir búkinum og niðast á sporlinum.
Ljósa silvurøks er um øll flógv høv. Hon er undir Grønlandi og Føroyum til Suðurafrika og vestara part av Miðjarðarhavinum, sløðist til Íslands. Hon er frá New Jersey til Argentina. Er eisini í Indiahavinum og Kyrrahavinum. Undir Føroyum er hon fingin m.a. á Fugloyarbanka og suður av Munkagrunninum.
Stødd
Ljósa silvurøks verður upp ímóti 4 cm.
Dýpi
Hon er uppsjóvarfiskur úr 50 m niður á 800 m. Hon er eisini inni á landgrunninum, møguliga við botnin.
Litur
Hon er dimm um bakið, silvurlitt um síðurnar og glær um sporlið við tveimum dimmum bondum um sporlið. Hon hevur ljósgøgn undir búkinum og á sporlinum. Ljósgøgnini eru perlumóðurlitt.
Eyðkenni
Skapið minnir um ein lítlan rukolykil, bulurin og høvdið eru lyklahandfangið. Hon er svørt, silvurlitt og glær. Hon hevur høgt og flatkroyst kropsskap og tvørbond um sporlið.
Týdningur
Ljósa silvurøks hevur ikki vinnuligan týdning.
| Før: | Ljósa silvurøks |
| Lat: | Argyropelecus hemigymnus |
| Azo: | Pai-velho |
| Dan: | Sølvøkse, Halvnøgen sølvøkse |
| Eng: | Silver hatchetfish, Axefish, Hatchet fish |
| Fin: | Hopeahelmiäiskala |
| Fra: | Hache d’argent courte, Haches d’argent |
| Ísl: | Suðræni silfurfiskur |
| Ita: | Ascia d’argento |
| Jap: | Tengan-mune-eso |
| Nor: | Flekket perlemorsfisk |
| Pol: | Topornik wylupiasty |
| Spa: | Pez hacha, Pesce accetta |
| Sve: | Fläckig pärlemorfisk |
| Týs: | Mittelmeer Silberbeil |
| USA: | Silver hatchetfish |
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg…
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79…
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
