Aftur til 
Vís undanfarnu úrslit
Maurolicus muelleri
Lakssild hevur eina lítla ryggfjøður og eina fitifjøður, sum situr millum stertin og ryggfjøðurina, eina gotfjøður og stórt høvd. Hon er mjáur fiskur, smøl og eitt sindur høg. Hon hevur nógv upprendan kjaft.
Lakssild er undir Íslandi og Føroyum suður móti Antarktis. Í Miðjarðarhavinum, Kyrrahavinum og sunnarlaga í Indiahavi. Er eisini við Hawaiioyggjar. Í Vesturatlantshavinum er hon frá 40°N suður til Falklandsoyggjarnar. Lakssild er vanlig undir Føroyum og sæst ofta í fiskamaga og á troldekki, dottin úr netinum.
Stødd
Vanlig longd er millum 4 cm og 6 cm. Í mesta lagi 8-9 cm.
Dýpi
Hon er uppsjóvarfiskur á djúpum vatni, undan vatnskorpuni á nátt og niður á umleið 400 m í dagslýsi. Onkuntíð sæst hon inni á grunnum vatni um náttina.
Litur
Um bakið er hon svørt, síðurnar skína silvurlittar. Hon hevur nógv og týðilig ljósgøgn.
Eyðkenni
Støddin, litirnir og ljósgøgnini.
Týdningur
Hon hevur ikki vinnuligan týdning.
| Før: | Lakssild |
| Lat: | Maurolicus muelleri, Maurolicus mulleri, Maurolicus mülleri |
| Azo: | Peixe-luz-de-Muller |
| Dan: | Laksesild |
| Eng: | Pearlside, Muller’s bristlemouth fish, Muller’s pearside |
| Fin: | Iyhtysukasuu, Lohisilli |
| Ísl: | Norræna gulldepla, Gulldepla |
| Ned: | Lichtend sprotje |
| Nor: | Laksesild |
| Pol: | Mauryk |
| Rus: | Mavrolik |
| Sve: | Laxsill |
| USA: | Pearlside |
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
