Vís undanfarnu úrslit
Háfjaðraði stubbi
Lebetus scorpioides
Háfjaðraði stubbi er lítil fiskur. Bulurin er hampiliga javnt tjúkkur. Sporlið er longri enn bulurin. Hann hevur tvær ryggfjaðrar, fremra er styttri og hægri, aftara er longri og lægri. Gotfjøðurin er lægri men eins long og aftara ryggfjøður. Uggafjaðrarnar eru væl rundaðar í endunum. Búkfjaðrarnar røkka aftur til ella aftur um aftara enda á uggafjaðrunum, eru samanvaksnar og hava ikki skræðulepan, ið er eyðkendur fyri stubbafiskarnar. Hann hevur stór eygu, ið standa upp um ennið.
Útbreiðsla
Hann er undir Íslandi, Føroyum, við Noreg, í Kattegat og Skagerrak, við Bretagne, vestantil við Ongland og Írland.
Stødd
Háfjaðraði stubbi verður í mesta lagi 4 cm langur.
Dýpi
Hann er á harðbotni, leirbotni ella grótbotni úr 2 m niður á umleið 375 m.
Litur
Hann hevur skiftandi litir, gulligur, gráligur ella reydligur við dimmum marmaraliti, ið lutvíst eru í bandskapi niður á síðurnar, tann aftasti er um klingruna. Ryggfjaðrarnar hava tvørstrípur.
Eyðkenni
Tann lítli fiskurin. Litbandið við stertarótina. Ongan ’súgvikoppa-skræðulepa’ á búkfjaðrunum.
Týdningur
Háfjaðraði stubbi hevur ikki vinnuligan týdning. Bert yngul er fingið undir Føroyum.
Nøvn á fiski á øðrum máli
| Før: | Háfjaðraði stubbi |
| Lat: | Lebetus scorpioides, Lebetus orca |
| Dan: | Ulkekutling |
| Eng: | Diminutive goby, Little goby |
| Ísl: | Dvergkýtlingur, Litli kýtlingur |
| Nor: | Ulkekutling |
| Pol: | Babka plowa |
| Sve: | Simpstubb |
| Týs: | Skorpiongrundel |
Vit viðmæla
Viðkomandi tíðindi
Framvegis nógv til av toski og hýsu á Føroyabanka, men fiskurin er heldur rak
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
Gýtandi svartkalvi fingin við Føroyar
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79…
Tí er nógvur toskur at fáa í løtuni
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Tilmæli 2025
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastovnurin er eisini oman fyri fyrivarnismørkini. Fyri…
