Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Fingið merktan fisk
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Verkætlanir Sæð okkurt spennandi? Ofta spurt Búmerki

Fagurserkur

Beryx splendens

Fiskalisti

Fagurserkur hevur høgan og smalan kropp. Hann hevur eina ryggfjøður, eina gotfjøður, har fremri endi er beint undir aftara enda á ryggfjøðurini. Uggafjaðrarnar og búkfjaðrarnar røkka aftur áraka gotið. Strikan er lítið bogin yvir uggafjøðurini. Kropshæddin er 33-40% av standardlongdini.

Útbreiðsla

Fagurserkur sløðist til Føroya og Íslands. Hann er vanligur í Eysturatlantshavinum, við Madeira, Kanariuoyggjarnar og Asoroyggjarnar, á Miðatlantsrygginum og á bankum og tindum í Atlantshavinum. Hann er úti fyri Spania, Portugal og suður til Marokko og Suðurafrika. Frá Maine suður í Meksikoflógvan. Hann er í Indiahavinum, í Kyrrahavinum og frá Japan til Avstralia.

Stødd

Fagurserkur verður upp í 70 cm langur, men vanlig longd er um 25-40 cm.

Dýpi

Hann er úr 25 metrum niður á 1300 metrar, vanliga millum 300 m og 600 m. Óbúnir fiskar eru uppi í sjónum. Búnir fiskar eru við botnin, tó fara teir møguliga uppfrá um náttina.

Litur

Hann er fagurreyður um bakið, fjaðrarnar, oman á høvdinum og innankjafta. Hann er bleikari um síðurnar, við silvurliti, serliga um kápuna.

Eyðkenni

Gotfjøðurin kemur fram undir aftara enda á ryggfjøðurini. Kropshæddin er lægri enn á reyðserki.

Týdningur

Fagurserkur verður ikki veiddur undir Føroyum. Aðrastaðni verður nakað veitt. Hann er góður matfiskur.

Nøvn á fiski á øðrum máli
Før:Fagurserkur
Lat:Beryx splendens
Azo:Alfonsim
Eng:Alfonsino, Red bream, Scarlet bream, Slender alfonsino, Splendid alfonsino
Fin:Hohtolimapúú
Fra:Beryx long
Ísl:Fagurserkur
Ita:Berice rosso
Jap:Kinmedai – Kinme
Ned:Roodbars, Alfonsino, Echte beryx
Pol:Beryks Wspanialy a. szkarlatny
Por:Imperador-costa estreita, Imperador-de-costa-estreita, Lowes berix
Rus:Obyknovenny beriks
Spa:Alfonsino besugo, Besugo americano
Sve:Mindre beryx
Týs:Kaiserbarsch Südlicher, Kaiserbarsch Sudlicher
USA:Alfonsino

Vit viðmæla

Viðkomandi tíðindi

Øll tíðindi