Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Fingið merktan fisk
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Verkætlanir Sæð okkurt spennandi? Ofta spurt Búmerki

Állur

Anguilla anguilla

Fiskalisti

Állur heldur til bæði í sjógvi og feskum vatni. Hann gýtir í Sargassohavinum, og yngulin rekur við streyminum til Evropa, har hann sum glasállur fer upp í feskt vatn, og har heldur hann til, til hann fleiri ár seinni aftur fer á sjógv at fara aftur í Sargassohavið at gýta. Állur er katadromur.

Állur er langur og klænur fiskur. Tvørskurðurin er mest sum rundur. Ryggfjøðurin er frá stertinum og umleið 2/3 fram á bakið. Hann hevur eina gotfjøður, ið byrjar beint framman fyri miðjuna á fiskinum og gongur aftur á endan. Sterturin er lítil, samanvaksin við ryggfjøðurina og gotfjøðurina. Hann hevur tvær smáar, avrundaðar uggafjaðrar og hevur ikki búkfjaðrar. Hann hevur lítið høvd, smá, rund eygu og undirbit. Tá állurin búnast og gerst blankur, vaksa eyguni munandi.

Útbreiðsla

Hann er úr Sargassohavinum til Móritania, fram við Evropa, í Íslandi og Føroyum til Norðurnoregs og í Hvítahavinum. Í Eystarasalti, Miðjarðarhavinum og Svartahavinum.

Stødd

Állur verður í mesta lagi 140-150 cm langur. Tá ið hann sum glasállur fer úr sjónum upp í feskt vatn, er hann um 7 cm. Fleiri ár seinni, tá hann aftur fer á sjógvin, eru siljafiskarnir ikki størri enn 60 cm. Í Føroyum eru rognafiskarnir sjáldan longri enn 65 cm, men kunnu verða upp í 125.

Dýpi

Tað er óvist á hvørjum dýpi állurin er, tá ið hann er til havs, tó vórðu tveir veiddir á 400 metra dýpi í Hetlandsrennuni í 1980 og ein á Íslandsrygginum í 2004 á umleið sama dýpi. Hann er annars í øllum løkum og áum, vøtnum, hyljum og tjarnum, har hann sleppur niðan. Í sjónum um heystið heldur hann mest til í blandingsvatni. Állur fer um heystið eisini stuttar teinar um vátlendi, t.d. vátan bø.

Litur

Glasállur er glærur. Í hinum vakstrarstigunum er liturin ymiskur, dimmur, grásvartur- grábrúnur um bakið og undir búkinum ljósari, gulur. Uggafjaðrarnar og gotfjøðurin eru gulligar. Tá állur er sjóbúgvin, og búningin byrjar, verður hann silvurlittur um síðurnar.

Eyðkenni

Állur líkist haválli, men kennist frá honum m.a. á tí, at uggafjaðrarnar koma ikki aftur undir ryggfjøðurina, og at hann hevur smáar roðslur. Állur í feskum vatni er mest virkin í myrkri.

Týdningur

Í Føroyum hevur állurin lítlan týdning, men nógvastaðni í Evropa verður hann nógv veiddur.

Nøvn á fiski á øðrum máli
Før:Állur, Álur, Álakálvur, Álladrumbur, Álvinda, Glasállur
Lat:Anguilla anguilla
Dan:Ål
Eng:Eel, Common Eel, European eel
Fin:Ankerias, Airokas
Fra:Anguille d’europe, Anguielo, Anguilla blanche, Anguille, Angula, Civelles, Franche, Franchere, Margagne, Morgain, Mourguin, Pibales, Pibeaux, Pillo, Sarieta, Sili
Gri:Chéli
Grø:Nimeriaq
Ísl:Áll
Ita:Anguilla, Bisatto marino, Buratelo, Capitone, Ragano
Jap:Unagi
Ned:Paling, Aal
Nor:Ål
Pol:Wegors
Por:Enguia, Eiró
Rus:Retschnoi ugor, Evropejskij rechnoj ugor, Evropejskij recnoj ugo’r
Spa:Anguila
Sve:Ål, Aal
Týs:Aal, Flussaal
USA:European Eel

Vit viðmæla

Viðkomandi tíðindi

Øll tíðindi