Vís undanfarnu úrslit
Klænasporl
Halargyreus johnsonii
Klænasporl hevur lutfalsliga stórt høvd og er annars smidligur fiskur, tjúkkastur fremst um bulin. Tað hevur tvær ryggfjaðrar, mest sum samanvaksnar, báðar eru lágar, tann fremra er stutt og situr beint yvir uggafjaðrunum. Fremsti teinur í henni er heldur longrienn hinir. Tann aftara er long og er frá aftaru helvt á uggafjaðrunum og aftur til klingruna. Klænasporl hevur eina lága gotfjøður, ið sær út sum tvær. Gotfjøðurin er frá klingruni til beint framman fyri miðjan fiskin. Búkfjaðrarnar hava 5 teinar, og 2 teirra koma aftur um miðjuna á uggafjaðrunum. Tað hevur klæna klingru og lítlan og avrundaðan stert. Eygnatvørmátið er umleið eins stórt og longdin á gronini. Tað hevur lítið undirbit, lítla beinknútu fremst á undirkjaftinum og onga finnu. Strikan er bein.
Útbreiðsla
Klænasporl er í hellingunum suður úr Íslandi, vestan fyri og sunnan fyri Føroyar til vestur úr Írlandi. Tað er á bankum og grynnum suður til Asoroyggjar og Marokko. Í Vesturgrønlandi til Nýfundlands og nakað suður við hellingini har. Einstakir fiskar fáast av og á í troli undir Føroyum.
Stødd
Klænasporl verður upp í 44 cm langt, vanliga í veiðuni um 20-30 cm.
Dýpi
Tað er úr 700 m niður á 1500 m, møguliga eisini djúpari enn 2000 m.
Litur
Klænasporl er reyðgrátt, silvurlitt um síðurnar og undir búkinum. Inni í kjaftinum er tað svart, og táknaholurnar eru eisini svartar.
Eyðkenni
Klæna klingran. Klænasporl minnir í skapi um svartkjaft, men kennist frá honum m.a. á ryggfjaðrunum og á litinum.
Týdningur
Klænasporl hevur ikki vinnuligan týdning
Nøvn á fiski á øðrum máli
| Før: | Klænasporl |
| Lat: | Halargyreus johnsonii |
| Can: | More délicat |
| Eng: | Slender codling, Morid cod |
| Ísl: | SilfurÞvari |
| Jap: | Karasudara |
| Nor: | Snabelmoride |
| Sve: | Grå djuphavstorsk |
Vit viðmæla
Viðkomandi tíðindi
Fingu egghylkir av ringhávi í trolið
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg…
Framvegis nógv til av toski og hýsu á Føroyabanka, men fiskurin er heldur rak
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
Gýtandi svartkalvi fingin við Føroyar
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79…
Tí er nógvur toskur at fáa í løtuni
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
