Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Fingið merktan fisk
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Verkætlanir Sæð okkurt spennandi? Ofta spurt Búmerki

Glaskvoysa

Lepidorhombus whiffiagonis

Fiskalisti

Glaskvoysa er vinstravendur flatfiskur. Ryggfjøðurin er av gronini aftur á klingruna. Gotfjøðurin er frá gotinum aftur á klingruna. Hesar báðar fjaðrarnar enda inni undir klingruni høgrumegin. Uggafjaðrarnar eru smáar, fjøðurin hvítumegin er bert til helvtar so stór sum hin. Búkfjaðrarnar eru breiðar við festið, men annars smáar. Sterturin er rættiliga stórur og gongur út í ein lítlan spíss. Hon hevur stór eygu, ið sita tætt saman, stóran upprendan kjaft. Strikan er nógv bogin oman fyri uggafjøðurina.

Útbreiðsla

Glaskvoysa er undir Íslandi og Føroyum til Tróndheims, í Skagerrak og Norðsjónum. Hon er suður við Evropa til Sahara í Vesturafrika og í Miðjarðarhavinum, eystur til Grikkalands. Undir Føroyum er hon á landgrunninum og á bankunum vestanfyri.

Stødd

Glaskvoysa verður neyvan longri enn 60 cm.

Dýpi

Hon er úr 40 metra dýpi niður á minst 500 metra dýpi.

Litur

Á vinstru síðu eru smáar glaskvoysur gráligar, og stórar eru grábrúnar. Oftast eru tveir kámir, døkkir blettir aftast á ávikavist ryggfjøðurini og gotfjøðurini. Hon er gráhvít ljósumegin. Hon hevur einstakar veikar, myrkar blettir runt á kroppinum. Smáar glaskvoysur eru nakað glærar.

Eyðkenni

Vinstra síða vendir upp. Teir smáu fiskarnir eru næstan gjøgnumskygdir. Ryggfjøðurin og gotfjøðurin ganga ‘afturum’ yvir á hvítumegin afturi á klingruni.

Týdningur

Hon fæst sum hjáveiða í troli, men bert í smáum nøgdum. Tær stóru eru góður matfiskur. Hevur lítlan vinnuligan týdning.

Nøvn á fiski á øðrum máli
Før:Glaskvoysa, Skeivikjaftur, Øvutikjaftur
Lat:Lepidorhombus whiffiagonis
Dan:Glashvarre
Eng:Megrim, Bigmouthed dab, Glass fluke, Sailfluke, Siller fluke, Whiff
Fin:Lasikampela
Fra:Cardine franche, Gèline ou Gélinne, Gellenne, Liame, Limande espagnole, Limande salope, Limandier, Mere des soles, Mère des soles, Ollara, Peuilloy, Pole, Salone, Salope, Sloop franche, Slop
Ísl:Stórkjafta, Flúra, Øfugkjafta
Ita:Rombo giallo
Ned:Scharretong, Schartong
Nor:Glasvar, Glasshvarr, Skjåflyndre
Pol:Smuklica
Por:Areiro
Spa:Lliseria, Gallo del norte, Gallo (L.boscii), Iliseria
Sve:Glasvar, Megrim
Týs:Scheefschnut, Blending, Flügelbutt, Migram
USA:Megrim

Vit viðmæla

Viðkomandi tíðindi

Øll tíðindi
  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira

  • Jákup Sverri aftur av makreltúri

    Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi

    Les meira

  • Jákup Sverri kannað æti og fiskalarvur á Landgrunninum

    Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…

    Les meira

  • Jákup Sverri liðugur við sildakanningar

    Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…

    Les meira