Summaryvirlitstroling – Landgrunnur

Kanningarnar vístu, at nøgdin av toski var umleið tað sama sum síðsta summar, og nakað meir enn síðstu árini, sí mynd 1. Nøgdin av hýsu er ein tann mesta í tíðarskeiðinum, sum kanningarnar fevna yvir, og ein munandi partur av nøgdini er smáhýsa (< 45 cm) sí mynd 1 og 2.

Síðstu tvey árini hava verið ábendingar um ávísa tilgongd av kalva. Meginparturin av kalvanum, sum er fingin, er óbúgvin fiskur (<70 cm), sí mynd 2.

Magakanningarnar vístu, at toskurin át mest av krabbadjórum, og var toskurin heldur rak, sí mynd 3.