{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Hvítingsbróðir

Trisopterus esmarkii

Hvítingsbróðir er smidligur fiskur at síggja. Hann hevur tríggjar ryggfjaðrar og tvær gotfjaðrar. Uggafjaðrarnar sita fremri enn fremsta ryggfjøður og røkka aftur til gloppið millum fremstu og mittastu ryggfjøður. Búkfjaðrarnar eru nakað fremri enn uggafjaðrarnar og eru langar og smalar. Fremsti teinur er longstur og røkkur á smáum fiskum ikki til gotið og á stórum fiskum aftur um gotið. Sterturin er eitt sindur innbogin, og strikan er nakað bogin frá miðjari síðu og yvir uggafjaðrarnar. Gotið er beint undir aftara enda á fremstu ryggfjøður. Hann hevur stutta finnu. Eygnatvørmátið er størri enn gronin. Hann hevur lítið undirbit, og kjafturin er á skák uppeftir. Hann hevur fína leysa roðslu.

Útbreiðsla

Hvítingsbróðir er í Barentshavinum, sløðist til Eysturgrønlands og er undir Íslandi, suður í Norðsjógvin, Skagerrak og Kattegat, kring Bretsku oyggjarnar suður til Biskeiavíkina. Hann er vanligur á føroyska landgrunninum og sæst eisini á Føroyabanka.

Stødd

Hvítingsbróðir verður í mesta lagi 27 cm langur, í veiðuni er hann vanliga 10-20 cm.

Dýpi

Hann er botnfiskur og uppsjóvarfiskur á dýpi niður á 300 m, tó sjáldan djúpari enn 250 m.

Litur

Hvítingsbróðir er grábrúnur um bakið, kanska eitt vet grønur. Síðurnar eru blankar, kámt silvurlittar og búkurin minni blankur enn síðurnar, heldur ljósari. Kjálkarnir eru sum skínandi silvur. Ein elalítlan, svartan blett hevur hann við uggafjaðrafestið.

Eyðkenni

Eygnatvørmátið. Hann hevur lítið undirbit og lítla finnu.

Týdningur

Hvítingsbróðir hevur stóran týdning fyri ídnaðarfiskiskapin.

Nøvn á fiski á øðrum máli
Før:Hvítingsbróðir, Stinksild, Toskasild
Lat:Trisopterus esmarki, Boreogadus esmarki
Dan:Spærling, Calypso, Sperling
Eng:Norway pout
Fra:Tacaud norvegien, Mostelle de fond
Ísl:Spærlingur
Jap:Noruei namazu
Ned:Kever
Nor:Øyepål, Augepål
Pol:Okowiel
Rus:Tresochka Esmarka, Saika
Spa:Faneca Noruega
Sve:Vittlinglyra
Týs:Stintdorsch, Spärling
USA:Norway pout

Viðkomandi tíðindi

  • Toskur á Føroyabanka – hvar er hann komin frá?

    Innleiðsla Tað er eisini munur á arvatilfarinum hjá toski á Føroyabanka samanborið við aðrar toskastovnar. Toskur á Føroyabanka veksur sera skjótt fyrstu árini og er longu yvir 80 cm langur…

    Les meira

  • Úrslit frá yvirlitstrolingunum í summar

    Rannsóknarskipið “Jákup Sverri” er liðugur við yvirlitstrolingarnar á sumri í ár. Rannsóknarskipið tók 198 hál á føroyska landgrunninum, har hvørt hál vardi ein tíma. Tað var sera lítið at fáa…

    Les meira

  • Minni av makreli í Norðurhøvum

    Makrelkanningarnar í juli vístu, at minni av makreli er í Norðurhøvum enn undanfarin ár. Vísitalið er tað minsta síðani 2007. Samanborið við í fjør er minkingin umleið 40 %. Mest…

    Les meira

  • Jákup Sverri liðugur við makrelkanningar

    Mánadagin 17. juli kom Jákup Sverri aftur av árligu makrelkanningunum norðanfyri. Makrelur var fingin víða um í kanningarøkinum, men fyri tað nógva í smáum nøgdum. Ábendingar vóru um, at útbreiðslan…

    Les meira