Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Fingið merktan fisk
Havið
Havið Hiti og salt Rák Havsúrgan Tíðarrøðir
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton Tíðarrøðir
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Verkætlanir Sæð okkurt spennandi? Ofta spurt Búmerki

Svartkalvi

Túrfrágreiðing

Jákup Sverri, túrur nr. 2624

Tíðarskeið: 27/5-7/6 2026

Ábyrgd: Lise Helen Ofstad

Endamál: Høvuðsendamálið við túrinum er at kanna svartkalva: Nøgd, longd, vekt, aldur, kyn og kynsbúning. Umframt skulu kanningar eisini gerast av øðrum fiskasløgum (m.a. longu, brosmu og blálongu), sum verða fingin.

Kanningar av svartkalva hava verið gjørdar síðan 1995, har hál á umleið 5-7 tímar verða tikin á føroyska landgrunninum og viðhvørt eisini aðrar staðir á 400-600 m dýpi. Fyribilsúrslit frá árliga svartkalvatúrinum vísa eina miðalveiðu á 73 kg av svartkalva per troltíma (Mynd 1), sum er umleið tað sama sum í 2025. Miðalveiðan fyri árini 1995-2026 er 113 kg av svartkalva um tíman, so veiðan í 2026 var væl undir miðal. Av 4252 longdarmátaðum svartkalvum vóru umleið 68% millum 45 og 60 cm langir (Mynd 2). Sum vanligt var mest fingið av rognafiskum (67% av 446 kynjaðum fiskum). Magakanningarnar vístu, at svartkalvin í høvuðsheitum etur svartkjaft.

Gýtandi trantkongafiskur varð fingin á fleiri støðum (Mynd 3). Eisini var gýtandi tindaskøta (Mynd 4) og hvítaskøta skrásett.

Fiskað var vanliga á dýpum millum 400 og 550 metrar, har hitin var millum 0,1 og 8,0°C.

Mynd 1. Kg av svartkalva per troltíma. Miðalveiðan (113 kg) fyri árini 1995-2026 sæst sum ein brotin linja. Túrurin varð av ongum í 2010 vegna brek á rannsóknarskipinum og í 2024 vegna verkfall.

Mynd 2. Longdarbýtið av svartkalvanum. Av 4252 longdarmátaðum svartkalvum vóru umleið 68% millum 45 og 60 cm langir.

Mynd 3. Rennandi rogn (við smáum larvurm innií) frá gýtandi trantkongafiski vinstrumegin, og trantkongafiskalarvur gjøgnum mikroskop høgrumegin. Trantkongafiskur gýtir livandi larvur og ikki rogn og sil beinleiðis út í sjógvin, sum t.d. toskur.

Mynd 4. Gýtandi tindaskøta, har egghylki sæst í gotinum, vinstrumegin, og sjálvt egghylkið høgrumegin.

Talva 1. Veiða, nytrur, magar, kruvd vekt, gonaduvekt, livurvekt og tal av støðum pr. fiskaslag á túri 2624. Tilsamans 29 støðir vórðu tiknar.

FiskaslagKg í altNytrurMagarKruvdGonadaLivurTal av støðum
SVARTKALVI                   8763.1254519082838225
TRANTKONGAFISKUR             2895.611841334392825
TINDASKØTA                   1124.184     25
STÓRI KONGAFISKUR            873.39120    17
TOSKUR                       799.862433238
HALAHVASSA SKØTA             531.939     14
HÁKELLING                    500.000     1
BLÁGÓMA                      304.800     14
GULLLAKSUR                   271.760501   15
SVARTKJAFTUR                 264.626     28
BLÁLONGA                     185.625441818161814
LÍTLI KONGAFISKUR            158.933     17
HVÍTASKØTA                   156.814     11
UPSI                         151.992534439
BROSMA                       105.20149917161020
LÁLLA                        82.819     18
HÝSA                         77.749     1
ÍSHAVSSKØTA                  70.314     2
LIRI                         66.840     7
LONGA                        60.8753 2224
ÚLVFISKUR                    41.301     11
KLINGRUSKØTA                 37.031     18
HVASSASPREK                  33.803     16
SVARTHÁVUR                   32.912     2
KJAFTSVARTI KONGAFISKUR      19.635     2
LÍTLABROSMA                  17.352     6
HVALSPÝGGJ                   7.050     4
KALVI                        4.853111  2
AGNHØGGUSLOKKUR              3.987     2
KRYTTLINGUR                  3.261     2
ÚLVFISKABRÓÐIR               2.393     2
STEINBÍTUR                   1.700     1
TUNGA                        1.167     1
TRØLLAKRABBI                 0.804     2
MATHØGGUSLOKKUR              0.461     1
LÍTLA LAKSATOBIS             0.374     2
LAKSATOBIS                   0.283     4
SILD                         0.229     1
YMISKT (skrambul, rækja v.m.)121.889      
TILSAMANS17776.94571113816116214629

Túrfrágreiðingar

Allar túrfrágreiðingar

Viðkomandi tíðindi

Øll tíðindi