Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Fingið merktan fisk
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Verkætlanir Sæð okkurt spennandi? Ofta spurt Búmerki

Makrelegg

Túrfrágreiðing

Jákup Sverri, túrur nr. 2526

Tíðarskeið: 21/5-2/6 2025

Ábyrgd: Sólvá Káradóttir Eliasen

Endamál: At kanna útbreiðslu og nøgd av makreleggum í havøkjunum kring Føroyar.

Kanningin er skipað sum felagskanning yvir tíðarskeiðið frá januar til juli í gýtingarøkinum hjá makreli, t.v.s. frá Portugal til okkara leiðir. Londini, sum taka lut í kanningini, eru Danmark, Føroyar, Niðurlond, Írland, Noreg, Portugal, Skotland, Spania, Stóra Bretland og Týskland.

Tiknar vórðu 113 støðir við gulfinum (Mynd 1), umframt 3 hál við flótitrolinum (víst sum ávikavist reyðir sirklar og bláir ferhyrningar á myndini omanfyri).

Mynd 1. Gulf VII varð nýttur til at savna fiskaegg.

Mynd 2. Prøvi við makreleggum. Makreleggini eru 1.1-1.3 mm í diametur, og alt eftir hvussu heitur sjógvurin er, tekur tað 1-2 vikur fyri tey at klekjast. Á myndini síggjast bæði nýgýtt egg (1), egg, har larvan byrjar at síggjast (2) og egg við nærum klekingarbúnum larvum (3). Til sjálva stovnsmetingina verður bara talið av daggomlum makreleggum nýtt.

Tilsamans vóru umleið 13000 fiskaegg savnaði, harav umleið 12000 makrelegg (Mynd 2). Tey eggini, ið ikki vóru makrelegg, vóru frá øðrum fiskasløgum, t.d. lakssild.

Makrelgýting verður kannað triðja hvørt ár og í kanningarøkinum hjá Jákup Sverra vóru í ár umleið 25% færri makrelegg enn í 2022. Mest av makreleggum vóru í økjunum móti evropisku hellingini eystan fyri Føroyar, og í Bankarennuni og út av Landgrunninum vestanfyri (Mynd 3).

Mynd 3. Nøgdin av makreleggum á hvørji støð, avmyndað sum ljósareyðir sirklar. Støðir við ongum makreleggum eru vístar sum ‘x’ og trolstøðir eru vístar sum bláir ferhyrningar. 2000 m, 1000 m, 500 m og 200 m dýpdarlinjur eru vístar við gráum linjum og landamørk við brúnligum linjum. Litirnir á myndini vísa miðal vatnskorpuhita, mátað við fylgisveini 15.-18. maj 2025.

Tó at kanningarnar vórðu gjørdar um somu tíð og í sama øki, sum fyri trimum árum síðani, var hitin í ár væl hægri enn tá kannað varð í 2022.

Túrfrágreiðingar

Allar túrfrágreiðingar

Viðkomandi tíðindi

Øll tíðindi