Vís undanfarnu úrslit
ICES-tilmæli fyri uppsjóvarfisk í 2026
Mest loyvda veiða í 2026 lækkar munandi fyri makrel og svartkjaft, meðan ein hækking er í tilmælinum fyri norðhavssild.
Makrelur
Tilmælið fyri makrel er 174.357 tons fyri 2026, sum er ein lækking á 70% í mun til í ár.
Makrelstovnurin hevur verið í minking síðani 2014. Niðurgongdin í stovninum stavar helst frá ovveiðu seinnu árini saman við eini minking í tilgongdini seinastu tíggju árini.
Svartkjaftur
Tilmælið fyri svartkjaft er 851.344 tons fyri 2026, sum er ein lækking á 41% í mun til 2025. Henda lækking kemst av, at gýtingarstovnurin minkar skjótt vegna vánaliga tilgongd síðani 2022 og at metingin av góðu 2020 og 2021 árgangunum er justerað niður í stovnsmetingini í ár.
Norðhavssild
Tilmælið fyri norðhavssild er 533.914 tons fyri 2026, sum er ein hækking á 33% í mun til í ár.
Gýtingarstovnurin minkaði nógv aftaná 2008, og er nú umleið 3 mió. tons, sum er beint undir burðardygga markinum, har varsemi skal vísast (Btrigger = 3,177 mió. tons). Góðu árgangirnir frá 2021 og 2022 væntast at venda hesi gongdini, soleiðis at roknað verður við, at stovnurin fer at vaksa komandi árini.
Talvan niðanfyri vísir ICES tilmælini um mest loyvdu veiðu fyri makrel, svartkjaft og norðhavssild í 2026 og broytingarnar frá 2025 til 2026.
| Tilmælið 2026 | Tilmælið 2025 | Broyting frá 2025 til 2026 | |
|---|---|---|---|
| Makrelur | 174.357 | 576.958 | -70 % |
| Svartkjaftur | 851.344 | 1.447.054 | -41 % |
| Norðhavssild | 533.914 | 401.794 | 33 % |
Vegna ósemju um býtið av stovnunum, hevur fiskiskapurin eftir makreli, svartkjafti og norðhavssild seinastu árini ligið um 30-45% oman fyri vísindaligu ráðgevingina. Tó er ovveiðan í 2024 og væntandi eisini 2025, nakað minni enn undanfarnu árini vegna strandarlandasemju millum Bretland, Noreg og Føroyar.
Hvussu verða tilmælini gjørd?
Tilmælini fyri makrel, norðhavssild og svartkjaft eru bygd á stovnsmetingina fyri 2025. Stovnsmetingin varð roknað á altjóða fundi í Keypmannahavn 27. august – 2. september, 2025.
Øll stovnsmetingarfrágreiðingin liggur á heimasíðuni hjá ICES, men kapitlarnir um ávikavist svartkjaft, norðhavssild og makrel, saman við innleiðingini í frágreiðingini, kunnu eisini lesast við at trýsta á leinkjurnar niðanfyri.
Kap. 1. Introduction
Kap. 2. Blue whiting
Kap. 4. Norwegian spring-spawning herring
Kap. 8. Mackerel
Til stovnsmetingina av makreli, norðhavssild og svartkjafti verða m.a. úrslitini frá altjóða svartkjafta-, silda- og makrelkanningunum, sum Jákup Sverri luttekur í, hvørt ár í ávikavist mars, maj og juli, brúktar.
Altjóða frágreiðingin frá svartkjaftakanningunum í 2025 (IBWSS report)
Altjóða frágreiðingin frá sildakanningunum í 2025 (IESNS report)
Altjóða frágreiðingin frá makrelkanningum í 2025 (IESSNS report)
Harafturat verða úrslit frá makreleggteljingum, ið verða gjørdar triðja hvørt ár, brúktar í makrelstovnsmetingini. Eggteljingar vórðu gjørdar í 2025 og Jákup Sverri var eisini partur av hesum kanningunum.
Viðkomandi tíðindi
ICES-tilmæli fyri fiskiskap eftir gulllaksi og longu í 2027
26.06.2026
Altjóða havrannsóknarstovnurin, ICES, kunngjørdi fyrr í mánaðinum nýggjastu ráðgevingina fyri veiðu av gulllaksi, longu, blálongu, kongafiski og svart…
Unga sildin kemur seg í Norðurhøvum
24.06.2026
Vísitalið frá sildakanningunum í mai vístu, at heldur meira er av sild enn síðstu tvey árini – 16% meira í vekt, samanborið við í fjør. Økingin stends…
Møguleiki fyri framstigi í stovnsmetingini av svartkjafti
09.06.2026
Tað er eitt úrslit frá verkætlanini Blue Ocean (Blue whiting recruitment, distribution and Ocean-climate processes in the north Atlantic Ridge area), …
Vísitalið fyri svartkjaft hækkar 32%
20.05.2026
Tað vístu felags ekkókanningarnar av svartkjafti, gjørdar í írskum, bretskum og føroyskum sjógvi í tíðarskeiðinum 20. mars til 8. apríl í ár. Vísitali…
Sildakanningar norðanfyri
15.05.2026
Jákup Sverri kom týsdagin 12. mai aftur á Havnina av sildakanningum norðanfyri, eftir at hann og íslendska havrannsóknarskipið, Þórunn Þórðardóttir, f…
Jákup Sverri og Þórunn fylgjast á sildakanningar
05.05.2026
Í síðstu viku byrjaðu árligar felagskanningar av norðhavssild. Tað serliga í ár var, at Jákup Sverri og íslendska havrannsóknarskipið, Þórunn Þórðardó…
Tilmæli 2026
22.12.2025
Tann 22. desember 2025 lat Havstovan Tilfeingis- og Vinnumálaráðnum tilmæli um fiskiskap eftir toski, hýsu og upsa í 2026. Mælt verður til, at fiskida…
Fingu egghylkir av ringhávi í trolið
16.10.2025
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlag…
