Vís undanfarnu úrslit
Gýtandi svartkalvi fingin við Føroyar
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79 cm langur og vigaði 6 kg. Hann varð fingin eystan fyri Munkagrunnin.
Gýtandi svartkalvar fingnir ymisk ár undir Føroyum. Rognafiskar gulir og siljafiskar grønir. Gýtandi svartkalvin í ár er merktur sum stjørna.
Tann 79 cm langa og 6 kg tunga honin, sum varð fingin í 2025. Lítli fiskurin omaná er ein seilur.
Rognabrókin við rennandi rognum, sum vigaði 1008 g.
Eins og undanfarin ár var meginparturin av svartkalvanum, sum varð fingin á svartkalvatúrinum, óbúgvin rognafiskur og nakað var óbúgvin siljafiskur. Støddin var eisini sum vant, meginparturin millum 45 og 60 cm langur. Tó var nøgdin minni í ár í mun til í 2023, og væl minni enn eitt miðalár. Ongin svartkalvatúrur var í 2024 vegna verkfall.
Kg av svartkalva per troltíma, sum í 2025 var 70 kg. Miðalveiðan fyri árini 1995-2025 er eisini víst. Hon er 115 kg.
Fyrsti regluligi svartkalvatúrur var í 1995. Endamálið er at fylgja við nøgdunum av svartkalva í føroyskum sjógvi. Svartkalvin undir Føroyum er partur av einum størri stovni, sum eisini heldur til undir Íslandi og Eysturgrønlandi.
Túrfrágreiðing kann lesast her.
Viðkomandi tíðindi
Gýtandi svartkalvi fingin við Føroyar
25.06.2025
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan va…
ICES-tilmæli fyri djúphavsfiskar
18.06.2024
Altjóða havrannsóknarstovnurin ICES kunngjørdi 7. juni 2024 nýggjastu ráðgevingina fyri veiðuna í 2025 fyri ymiskar fiskastovnar á djúpum vatni. Flest…
Nøgdin av svartkalva í 2023 er sum eitt miðalár
22.06.2023
Rannsóknarskipið Jákup Sverri hevur júst verið á árliga svartkalvatúrinum, sum byrjaði í 1995 fyri at fylgja við nøgdunum av svartkalva í føroyskum sj…
Um miðal av svartkalva í ár
22.06.2022
Jákup Sverri hevur verið á svartkalvatúrinum fyri 2022. Fyribilsúrslitið frá túrinum í ár gav í miðal 106 kg svartkalva per troltíma (sí mynd niðanfyr…
Svartkalvi – millum heitt og kalt
23.08.2012
Kanningar við fiskamerkjum, sum skráseta hita og dýpi, benda á, at svartkalvin hevur sína farleið í blandingssjógvi millum tann kaldara arktiska sjógv…
