{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Sjóprónur

Entelurus aequoreus

Sjóprónur líkist øðrum sjónálum, langur og klænur. Tjúkkastur er hann um bulin, sporlið klænkar aftur í nærum einki. Tranturin er eins langur og ella longri enn høvdið, og kjafturin er bendur upp. Hann hevur ikki uggafjaðrar, búkfjaðrar ella gotfjaðrar, og bert ein viðfáning av sterti. Ryggfjøðurin er eisini heilt lítil og situr beint framman fyri miðjuna á fiskinum, og miðjan á fjøðurini er væl framman fyri gotið. Ringar eru tvørtur um kroppin, framman fyri gotið eru 28 upp í 31, og aftan fyri eru 60 upp í 69. Ringarnir eru týðiligir á deyðum fiski. Teir hómast neyvan á livandi fiski. Hetta er fiskur, sum livir úti á havinum, tó at hann eisini fæst við land.

Útbreiðsla

Hann er av Suðurlandinum í Íslandi til Føroya, Noregs og inn í Kattegat. Hann er suður við strondum Evropa til Portugals og er eisini við Asoroyggjarnar.

Stødd

Sjóprónur verður upp í 60 cm langur. Undir Føroyum er vanlig longd 30-50 cm.

Dýpi

Sjóprónur er fingin úr 5 m niður á 600 m dýpi. Undir Føroyum er hann fingin á landgrunninum, á Føroyabanka og í flótitroli sunnan fyri Føroyar á 400-600 m dýpi. Hann er onkuntíð funnin í fjøruni í Føroyum. Sæst av og á í fiskamaga.

Litur

Hann er brúnligur ella gulligur við dimmum tvørbondum.

Eyðkenni

Nálalíka skapið. Gotið er undir aftara enda á ryggfjøðurini. Hann hevur bert stert og ryggfjøður.

Týdningur

Hann hevur ikki vinnuligan týdning.

Nøvn á fiski á øðrum máli
Før:Sjóprónur
Lat:Entelurus aequoreus
Dan:Snippe
Eng:Snake pipefish
Fin:Merineula
Fra:Entélure de mer
Ísl:Stóra sænál
Ned:Adderzeenaald, Adder, Zeenaald
Nor:Stor havnål, Store tangnål
Por:Cavallo marinho
Rus:Zmeevidnaja igla ryba
Sve:Större tangnål, Stor havsnål
Týs:Große Schlangennadel

Viðkomandi tíðindi

  • Toskur á Føroyabanka – hvar er hann komin frá?

    Innleiðsla Tað er eisini munur á arvatilfarinum hjá toski á Føroyabanka samanborið við aðrar toskastovnar. Toskur á Føroyabanka veksur sera skjótt fyrstu árini og er longu yvir 80 cm langur…

    Les meira

  • Úrslit frá yvirlitstrolingunum í summar

    Rannsóknarskipið “Jákup Sverri” er liðugur við yvirlitstrolingarnar á sumri í ár. Rannsóknarskipið tók 198 hál á føroyska landgrunninum, har hvørt hál vardi ein tíma. Tað var sera lítið at fáa…

    Les meira

  • Minni av makreli í Norðurhøvum

    Makrelkanningarnar í juli vístu, at minni av makreli er í Norðurhøvum enn undanfarin ár. Vísitalið er tað minsta síðani 2007. Samanborið við í fjør er minkingin umleið 40 %. Mest…

    Les meira

  • Jákup Sverri liðugur við makrelkanningar

    Mánadagin 17. juli kom Jákup Sverri aftur av árligu makrelkanningunum norðanfyri. Makrelur var fingin víða um í kanningarøkinum, men fyri tað nógva í smáum nøgdum. Ábendingar vóru um, at útbreiðslan…

    Les meira