{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

PhD skeið um havklima og vistskipanir væleydnað

PhD-skeiðið, við heitinum “Ecologically relevant oceanographic processes in the Northeastern Atlantic” er nú lokið. Allir 14 næmingarnir stóðu royndina og hava fingið prógv frá Fróðskaparsetri Føroya. Granskarar á Havstovuni og á DTU Aqua skipaðu skeiðið í samráð við umsitingina á Setrinum. Undirvíst varð í døgunum 21. august – 1. september, og hetta fór fram í góða fundarhølinum á Vinnuháskúlanum. Tó var tveir dagar arbeitt og undirvístumborð á rannsóknarskipinum, Jákup Sverra.

Mikudagin 30. august, tá undirvíst varð í sjófugli og hvali, kom ein bólkur av springarum sum bílagdur inn á Gøtuvág. Næmingarnir lupu tí útí og sluppu at merkja springarar.

Ferðaleiðin eftir merkingina er víst her.

Tey merkja springarar á Gøtuvág

Skeiðið snúði seg um hvussu broytiliga havumhvørvið ávirkar vistskipanir í Norðureysturatlantshavi – alt frá plantu- og djóraæti, til nebbasild, botnfisk, uppsjóvarfisk, fugl og hval. Høvuðsendamálið var at skapa samanhald millum PhD-studentar undir granskingarskránni “Havgransking í Norðuratlantshavi” (MARiNAO), og at útvega teimum viðkomandi próvtalsstig (European Credit Transfer and Accumulation System, ECTS). MARiNAO fíggjar bert granskarar úr Danmark, Føroyum og Grønlandi, og fyri økja um altjóða samstarv, vórðu granskarar og granskaralesandi úr øðrum londum eisini boðin við.

Næmingarnir og fyriskipari (Hjálmar Hátún)

Næmingarnir komu frá universitetum í Bretlandi (Aislinn), Týsklandi (Ramona), Danmark (Costanza, Thanos og Paco frá DTU Aqua og Kung og Jonathan frá Århus Universiteti), Noregi (Taraneh), Kanada (Tahya) og Føroyum. Næmingarnir úr Føroyum eru flestu innskrivaðir á Setrinum og umboða Fiskaaling (Sandra, Heðin og Sissal), sjálvt Setrið (Marjun) og Havstovuna (Sara og Sólvá).

Samansetingin av granskarum var góð og breið, bæði geografiskt og fakliga. Og eftirmetingin vísir at næmingarnir vóru sera væl nøgdir við skeiðið. Granskingarráðið umsitir MARiNAO, sum eisini fíggjaði skeiðið.

Hjálmar Hátún (hjalmarh@hav.fo)

Viðkomandi tíðindi

  • Havstovan nýggja heimasíðu

    Tann 29. mai varð nýggja heimasíðan hjá Havstovuni gjørd almenn. Tað er fyritøkan Lunnar, sum hevur ment og sniðgivið síðuna. Nýggja heimasíðan er eitt munandi framstig í mun til undanfarnu…

    Les meira

  • Vitjan úr Íslandi

    Í síðstu viku fekk Havstovan vitjan av systurstovninum í Íslandi – Hafrannsóknastofnun (HAFRÓ). Endamálið við vitjanini í Føroyum var at kunna seg um ymiska gransking í havumhvørvi. Við á ferðini…

    Les meira

  • Skúlaflokkar vitja Havstovuna

    Tórshavnar kommuna skipar fyri umhvørvisviku, og í hesum sambandi hava fleiri skúlaflokkar verið á vitjan á Havstovuni. Her hava tey hoyrt um, hvussu havstreymar ferðast fram við Føroyum, og hvussu…

    Les meira

  • Er glotti at hóma hjá botnfiski í 2024?

    Føroyski toskastovnurin er vorðin søguliga lítil, og hetta er helst úrslit av bæði ovurfiskiskapi og broytingum í havumhvørvinum. Týdningarmikið, og avbjóðandi, er at skyna millum hesar ávirkanir, og í hesi…

    Les meira