Vís undanfarnu úrslit
Kúpuskel vísir gróðurin á Landgrunninum aftur í seytjandu øld
Í nýggjari grein, útgivin í Journal of Marine Systems tann 29. november, verður víst at vøksturin hjá kúpuskel fylgir gróðrinum á Landgrunninum – jú meiri gróður, jú skjótari veksur skelin. Kúpuskelin (sí mynd) gerst fleiri hundrað ára gomul og liggur alt lívið niðurgrivin í bleytum botni, har hon sílar æti.
Á sama hátt sum ein ringur í avkubbaðum træi vísir vøksturin ávíst ár, so gevur breiddin á vakstrarringum í kúpuskelini ábending um vøkstur. Vakstrarringarnir á slíkari skel kunnu tí siga okkum nakað um tíðir við góðum og vánaligum gróðri. Og síðani gróðurin er føðigrundarlagið fyri alla vistskipanina kring Føroyar, kann kúpuskelin helst brúkast sum mát fyri vistfrøðiligu gongdina hjá okkum.
Greiningin er serliga áhugaverd av tí at kúpuskeljarnar liva so leingi, og tískil kunnu gamlar skeljar geva vitan um gróðurumstøðurnar áðrenn vit høvdu beinleiðis mátingar av gróðrinum – ja møguliga kunnu vit fáa vitan um góðar og vánaligar tíðir heilt aftur í seytjandu øld.
Viðkomandi tíðindi
Filmað korallir undir Føroyum
Filmsupptøkur av havbotninum kring Føroyar í 2017 og 2018 vísa, at korallir eru í økjunum millum Sandoyarbanka og Suðuroyarbanka, suður av Føroyabanka og suður av Bill Baileybanka. Hetta er úr…
Videokanning av korallum í juni 2018
Annað árið á rað hevur Magnus Heinason gjørt videoupptøkur av havbotninum kring Føroyar.Í ár var áhersla løgd á tey djúpu økini suður-vestur úr Føroyum. Økið millum Sandoyarbanka og Suðuroyarbanka, har…
Kúpuskel vísir gróðurin á Landgrunninum aftur í seytjandu øld
Í nýggjari grein, útgivin í Journal of Marine Systems tann 29. november, verður víst at vøksturin hjá kúpuskel fylgir gróðrinum á Landgrunninum – jú meiri gróður, jú skjótari veksur skelin.…
Heitir skorsteinar á havsins botni
Áðrenn 20. øld varð hildið, at einki kundi liva í æviga myrka og kalda djúphavinum. Nú vita vit, at havið, djypri enn 200 metrar, er størsta búøki í heiminum. Eg…
