Vís undanfarnu úrslit
Jákup Sverri verið á hydrografitúri
Tann 17. mai fór Jákup Sverri á hydrografitúr, har ein av uppgávunum var at taka streymmátarar upp. Lagt varð fyri norðanfyri, har ein streymmátaraboya varð tikin upp í øllum góðum.
Tvær boyur skuldu eisini takast upp í Bankarennuni, men í fyrstu atløgu var nakað av aldu og mjørka á staðnum. Roynt varð aftur dagin eftir og tá gekk betur – sýnið var betri og aldan slætnað, og sostatt fingu vit báðar boyurnar upp í øllum góðum. Ætlanin var eisini at fara út á Íslandsryggin eftir eini boyu mitt á Rygginum og eini rammu nakað vestarlaga í íslendskum sjógvi, men veður- og alduforsøgnin fyri hetta økið var heldur vánalig, og tískil var tann ætlanin slept. Ístaðin blivu fýra hydrografiskir skurðir tiknir – tveir vestanfyri og tveir í Hetlandsrennuni. Í Hetlandsrennuni vístu mátingarnar, at aftur í ár er nógvur Eysturíslandssjógvur í rennuni, og nakað av gróðri var eisini útiá. Á einum skurði, sum gongur norðan fyri Skeivabanka, vístu mátingarnar, at nógvur gróður var uttarlaga á Landgrunninum, meðan minni var at síggja longur inni. Í tí eina glúpinum útiá vóru fleiri yngul í glúpinum og tað er heldur sjáldsamt. Hvalspýggjurnar, sum fyrr í mai vóru at síggja norðanfyri, tyktust nú at vera um allan Landgrunnin, men neyvari kanningar mugu gerast at staðfesta, um hetta var so.
Streymmátararnir eru nú á Havstovuni, har data verða lisin, battaríini skift, eins og annað eftirlit verður gjørt. Í aðru viku fer Jákup Sverri nýggjan hydrografitúr, har streymmátararnir verða lagdir út aftur, eins og nýggj roynd verður gjørd at taka mátararnar á Íslandsrygginum upp. Fyribils úrslit frá hesum fyrra túrinum eru at síggja í túrfrágreiðingini her.
Viðkomandi tíðindi
Sólvá Jacobsen vart PhD-ritgerð um æti og yngul
Mikudagin 14. mai vardi Sólvá Jacobsen PhD-ritgerð sína um æti og yngul á Landgrunninum, við høvuðsdenti á tosk. Ritgerðin ber heitið “Environmental drivers, ecological interactions and the role of pelagic…
Fyrilestrar um yngul, uppsjóvarfisk og føði
“Yngul á Landgrunninum” og “Æti og føði hjá uppsjóvarfiski” vóru heitini á almennu fyrilestrunum, sum Sólvá Jacobsen, lívfrøðingur og Ph.D. lesandi og Eilif Gaard, lívfrøðingur og Dr. Philos, hildu á…
Havstovan kunnar skúlaflokkar á umhvørvisviku á Tvøroyri
Tvøroyar kommuna skipar fyri umhvørvisviku hesa vikuna. Í hesum sambandi hava Guðrið Eriksdóttir Johansen, PhD-lesandi í havfrøði, og Marita Rasmussen, stjóri, verið á Seglhúsloftinum, har fleiri skúlaflokkar úr Tvøroyrar skúla…
Nær fer gróðrinum á Landgrunninum í gongd í ár?
Enn er gróðurin niðan fyri 1 µg chl-a/L, sum er markið, har vit siga, at nú er gróðurin byrjaður. Væntandi fer gróðurin at byrja innan alt ov langa tíð. Spennandi…
