Aftur til 
Vís undanfarnu úrslit
Phrynorhombus norvegicus
Norskakvoysa er vinstravendur flatfiskur. Minsti flatfiskur á okkara leiðum, og har hon er breiðast, fjaðrarnar ikki roknaðar uppí, er hon um 1/3 av heildarlongdini. Uggafjøðurin myrkumegin er størri enn uggafjøðurin hvítumegin. Búkfjaðrarnar eru ikki fastar í gotfjøðurini. Klingran er nakað smøl. Sterturin er nakað rundaður aftan. Ryggfjøðurin og gotfjøðurin ganga inn undir klingruna hvítumegin. Ryggfjøðurin byrjar oman fyri og framman fyri høgra eyga. Norskakvoysa hevur stóra rufluta roðslu báðumegin, tó smærri roðslur hvítumegin. Strikan bogar eitt sindur yvir uggafjøðurini.
Í Føroyum er norskakvoysa í Sundalagnum, á Kollafirði og Skálafirði. Er eisini veidd á landgrunninum. Er annars við Bretsku Oyggjarnar og norðara part av Biskeiavíkini, inn í Skagerrak, fram við Noregi til Murmansk og við Ísland.
Stødd
Norskakvoysa verður í mesta lagi einar 12 cm long.
Dýpi
Hon er úr 10 út á 200 metra dýpi.
Litur
Hon er gullig, morbrún myrkumegin, við døkkum tvørblettum. Hvítumegin er hon ljós, hvítgrá.
Eyðkenni
Støddin. Vinstravend. Breiddin afturímóti longdini. Smala klingran.
Týdningur
Norskakvoysa hevur ikki vinnuligan týdning.
| Før: | Norskakvoysa |
| Lat: | Phrynorhombus norvegicus |
| Dan: | Småhvarre |
| Eng: | Norwegian topknott |
| Fin: | Pikkukampela |
| Fra: | Targie naine, Phrynorhombe de norwège |
| Ísl: | Litli flóki |
| Ita: | Rombo peloso |
| Ned: | Dwergtarbot |
| Nor: | Småvar |
| Pol: | Turbotek norweski |
| Por: | Bruxa-norueguesa |
| Spa: | Limanda noruega |
| Sve: | Småvar |
| Týs: | Zwergbutt |
| USA: | Norwegian topknot |
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
