Vís undanfarnu úrslit
Fish Fair: Framløga um havrannsóknarskipið Jákup Sverra
Leon Smith, tøkniligur leiðari á Havstovuni hevði mikudagin 18. mai framløgu um fyrireiking, bygging og royndir við nýggja havsrannsóknarskipinum Jákup Sverra.
Dagarnar 17. til 19. mai var fiskivinnuframsýningarstevnan Fish Fair enn einaferð í Klaksvík. Í samband við framsýningina vóru eisini fyrilestrar, har ymisk viðurskifti, sum hava samband við fiskivinnuna vóru á skránni.
Hesu ferð var deildarleiðarin á Havstovuni Leon Smith eisini á fyrilestrarskránni og greiddi hann frá um fyrireikingarnar, byggingina og royndirnar við nýggja havrannsóknarskipinum.
Jákup Sverri var handaður Havstovuni í 2020, eftir eitt 10 ára tíðarskeið við fyrireiking og síðani bygging á Mest frá 2017 til 2020.
Jákup Sverri er eitt serskip bygt til endamálið at gera havrannsóknir, men hevur eisini útgerð til at gera botnkanningar og seismiskar kanningar. Lesast kann meira um skipið á heimasíðuni hjá Havstovuni her og í blaðnum Sjóvarmál frá 2020.
Viðkomandi tíðindi
Jákup Sverri fiskar til Sjósavnið
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á forvitnisliga Sjósavninum eru tey altíð…
Meir av toski og nógv av hýsu
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nøgdin er tó enn væl undir…
Børn og Havstovan á Sjómannadegnum
Aftur í ár luttóku granskarar á Havstovuni á Sjómannadegnum í Klaksvík. Uppgávan var at kanna fisk, sum børnini høvdu fiskað fríggjakvøldið, tá fiskikapping varð fyriskipað. Tað vóru Eydna í Homrum,…
Jákup Sverri aftur av makreltúri
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
