Vís undanfarnu úrslit
Fiskimálaráðharrin vitjað umborð á Jákup Sverra
Mikudagin í farnu viku vitjaði fiskimálaráðharrin Árni Skaale saman við umsitingini í Fiskimálaráðnum umborð á havrannsóknarskipinum Jákup Sverra.
Loksins eydnaðist tað at fáa vitjanina av landsstýrismanninum í fiskivinnumálum í lag, eftir at hava verið útsett fleiri ferðir, m.a. orsakað av COVID19. Vitjanin byrjaði við einum døgurðabita og síðani varð fylgið víst runt á øllum skipinum.
Havrannsóknarskipið Jákup Sverri hevur nú verið í rakstri meira enn eitt ár og hevur skipið roynst avbera væl. Jákup Sverri er gjørdur til at lúka øll nútíðarkrøv til eitt havrannsóknarskip. Tískil er skipið eitt týdningarmikið og sera væl útgjørt amboð hjá Føroyum í arbeiðinum at fáa til vega ta nýggjastu vitanina um okkara sjófeingi.
Á myndunum sæst landsstýrismaðurin Árni Skaale saman við umsitingini í Fiskimálaráðnum umborð á Jákup Sverra.
Viðkomandi tíðindi
-
Jákup Sverri liðugur við makrelkanningar
Mánamorgunin 20. juli kom Jákup Sverri aftur av ársins makreltúri. Túrurin er partur av felagskanning, sum verður gjørd saman við norskum, donskum og íslendskum granskingarstovnum. Føroyska túrfrágreiðingin kann lesast her.…
-
Yngulkanningar vísa stóran mun millum Landgrunnin og Føroyabanka í ár
Í seinnu helvt av juni gjørdi Jákup Sverri yngul- og ætikanningar bæði á Landgrunninum og á Føroyabanka. Trolstøðirnar síggjast sum gular strikur á kortinum. Á Landgrunninum var sera lítið av…
-
Stovnsrøkt í skiftandi umhvørvi
Stovnsmenning og burðardygg umsiting av fiskastovnum er millum høvuðsevnini á almennu ráðstevnuni, Fiskur og framtíðin – møguleikar og avbjóðingar, sum verður í Kongshøll 8. juni. Burðardygg stovnsrøkt snýr seg um…
-
Costas Kadis, ES-fiskivinnukommisserur, vitjað Jákup Sverra
Í gjár vitjaði fiskivinnukommisserurin Costas Kadis umborð á Jákup Sverra. Fiskivinnukommisserurin er útbúgvin lívfrøðingur og hevur eina PhD innan lívfrøðiligt margfeldi. Marita Rasmussen, stjóri á Havstovuni, Leon Smith, deildarleiðari, Jan…
