Vís undanfarnu úrslit Havið 
Lívið í havinum
Taraskógir sum uppvakstrarøki
Fígging: Fiskivinnugransking (FVG)
Ábyrgd: Sólvá Jacobsen
Høvuðstátturin í verkætlanini var at kanna eitt øki í Kaldbaksfirði. Arbeiðið var býtt í 3 sonevndar arbeiðspakkar. Fyrsti arbeiðspakkin var kanningar av fiski, við serligum denti á upsa og toski. Ymiskur fiskireiðskapur var brúktur fyri at kanna 1) hvør reiðskapur er mest hóskandi at fáa ungan upsa og tosk inni í taraskóginum, og 2) nær upsi og toskur eru í taraskóginum, hvør føðin er umframt støddarsamanseting og aldur. Annar arbeiðspakkin var við kavara í taraskóginum og tann triði við eDNA; endamálið við hesum báðum seinnu arbeiðspakkunum var at kanna nøgd og slagsamanseting av tara og ryggleysum djórum í taraskóginum ella sagt við øðrum orðum, at kanna umhvørvi og nøgd av tilgeingiligari føði fyri ungan upsa og tosk.
