Vís undanfarnu úrslit
Umhvørvis DNA og vistskipanargrundað fiskiveiðustýring
Skotið hevur verið upp at nýta umhvørvis DNA (uDNA) til at bøta um metingar av fiskastovnum og útgreina tørvin á vitan, sum krevst til vistskipanargrundaða fiskiveiðustýring, ið á enskum verður nevnd: “Ecosystem-Based Fisheries Management (EBFM)”.
Til at fremja vistskipanargrundaða fiskiveiðustýring krevst betri vitan um ymsar partar av vistskipanini, sum eru ov lítið kannaðir. Dømi eru mikroverur, plantuplankton, ymisk smá fiskasløg, hvalspýggjur, krill og botndjór. Nógvar av hesum kanningum kunnu við fyrimuni gerast við uDNA. Serstakliga fiskur, sum ikki hevur søluvirði, stovnar, sum ikki ber til at trola eftir, samanhangandi hópar av fleiri sløgum, óvanlig ella viðbrekin sløg. Tílíkar kanningar kunnu fevna víða bæði í tíð og staði, tær kunnu útgreina avleiðingar av veðurlagsbroytingum og geva vitan um ótroyttar stovnar.
Ein avbjóðing er at finna javnvágina millum tørvin á nýggjari vitan og óvissuna í uDNA kanningum. Ein nýggj grein lýsir møguleikar og avbjóðingar við at nýta uDNA til vistskipanargrundaða fiskiveiðustýring. Við í útgreiningini hava verið umboð úr USA, Noregi og Føroyum. Greinin er tøk her.
Ian Salter ( ians@hav.fo)
Viðkomandi tíðindi
uDNA kanningar kunnu vónandi stuðla yvirlitstroling í framtíðini
DNA-leivdir av bæði toski og hýsu í sjógvprøvum kunnu møguliga í framtíðini brúkast til at siga, hvussu stórir hesir fiskastovnar eru. Men nýggjastu kanningarnar vísa, at tað er neyðugt at…
Teingja umhvørvis-DNA við sjálvvirkna prøvatøkuútgerð
Umhvørvis-DNA í sjógvi er alt tað DNA, ið vit fáa gagnnýtt úr einum sjógvprøva. Tað fevnir um DNA frá smáu verunum og leivdir av DNA, sum eru útskildar frá størri…
Umhvørvis DNA og vistskipanargrundað fiskiveiðustýring
Skotið hevur verið upp at nýta umhvørvis DNA (uDNA) til at bøta um metingar av fiskastovnum og útgreina tørvin á vitan, sum krevst til vistskipanargrundaða fiskiveiðustýring, ið á enskum verður…
Fiskanøgdir mettar út frá DNA í sjógvi
Allar livandi verur lata smáar leivdir av arvatilfari (DNA) til umhvørvið, og hesi spor kunnu brúkast til at eyðmerkja, hvørji djór og plantur hava verið tilstaðar í umhvørvinum. At máta…
