Vís undanfarnu úrslit
Tað seinasta frá merktu grindahvalunum
Nú eru allir sendararnir, ið Havstovan festi á grindahvalir í summar, sløknaðir. Tað longsta sambandið vardi 85 dagar. Tríggjar merkingar vóru. Tvær í Sandavági, har ein hvalur varð merktur 26. juni og fimm hvalir 19. juli, og so ein merking í Íslandi, har tveir hvalir vórðu merktir 16. juli.
Samanumtikið, so vóru merktu grindahvalirnir frá Sandavági rættiliga støðufastir. Teir hildu seg stórt sæð í eystaru hellingini av Hetlandsrennuna, har teir ferðaðust nakað suður og norð fram við hellingini. Eini hvalurin gjørdi eisini okkurt rend norður í kantin av Norskahavinum. Og ein hvalur flutti eftir eina tíð suður á Bankaryggin. Hetta var sama økið, har hin einsamalli merkti grindahvalurin helt til. Hóast merktu grindahvalirnir ofta ferðaðust í sama øki, so hildu teir ikki saman.
Báðir grindahvalirnir, ið vórðu merktir frá báti suður úr Vestmannaoyggjum, hildu fyrstu tíðina til í hellingini suður av oyggjunum. Kortini ferðaðust teir ikki saman. Haðani fór eini hvalurin vestur í Danmarkarstrætið, har sambandið síðani slitnaði.
Viðkomandi tíðindi
Nýtt frá merktu springarunum
Havstovan hevur í summar merkt springarar í trimum umførum; fimm springarar í Fuglafirði 10. juni, tveir springarar á Leynasandi 27. august, og tveir springarar í Norðragøtu 30. august. Havstovan takkar…
Nýtt frá merktu grindahvalunum
Havstovan hevur merkt tvær grindir í summar, báðar á Sandavági. 26. juni var ein hvalur merktur og 19. juli vóru fimm hvalir merktir. Umframt vóru tveir grindahvalir merktir í Íslandi…
Merkta grindin ferðast suðureftir
Við góðari hjálp frá sýslumanni, grindaformonnum og fólki annars á báti og sandi, varð ein grind merkt í Sandavági mikudagin 19. juli 2023. Ein bólkur á umleið 40 hval var…
Ein springari norðarlaga í Hetlandsrennuni
Nú 40 dagar eru farnir síðani springararnir vórðu merktir í Fuglafirði, er tann eini springarin farin norðureftir í hellingini, eystaru megin Hetlandsrennuna, og er nú komin norður á 63 breiddarstig,…
