Vís undanfarnu úrslit
Ph.D. verja: Plantuæti á Landgrunninum – innara økið og ytru økini
Hósdagin 24. August kl.13 fer Sólvá Káradóttir Eliasen at verja ph.d.-ritgerð sína á Vinnuháskúlanum. Ritgerðin er um gróður á føroyska Landgrunninum.
Sólvá hevur seinastu gott trý árini arbeitt á Havstovuni við eini verkætlan um gróðurin á Landgrunninum og lat í Apríl mánaði sína Ph.D. ritgerð inn. Hon hevur lisið M.Sc. í jarðalisfrøði á Københavns Universitet og B.Sc. í støddfrøði á University of London. Sólvá arbeiddi í nøkur ár á Havstovuni beint eftir aldarskiftið, men flutti til Miðeystur í 2006. Tá hon kom heimaftur í 2013, fór hon undir Ph.D. verkætlanina.
Landgrunnurin hevur stóran týdning í føroysku fiskivinnuni, og tí er ynskiligt at skilja samansettu vistskipanina á honum betur. Grundarlagið undir allari føðiketuni í sjónum er gróðurin, og í verkætlanini hevur verið hugt at hvussu havfrøðilig viðurskifti ávirka gróðurin. Mátingar, sum Havstovan hevur gjørt seinastu 20 árini, hava verið gjøgnumgingnar, umframt at eitt háupploysiligt modell av Landgrunninum, altjóða veðurlagsmodellir og mátingar frá fylgisveinum eisini hava verið gagnnýtt. Verkætlanin gevur eina betri heildarfatan av gróðrinum á Landgrunninum , t.d. hvussu gróðurin broytist gjøgnum árstíðirnar í ymsum økjum, og hvussu broytingar í havi og atmosferu ávirka gróðurin. Harafturat er nýggja vitanin eisini áhugaverd í samband við, hvar ymisk fiskasløg halda til.
Tað er danska stjórnin sum hevur veitt fígging til Ph.D verkætlanina og Karin Margretha Húsgarð Larsen, Bogi Hansen, Hjálmar Hátún (frá Havstovuni) og Till Andreas Soya Rasmussen (frá DMI) hava verið vegleiðarar. Í Ph.D. dómsnevndini sita Bárður A. Niclasen, Náttúruvísindadeildin, Corinna Schrum, Geofysisk Institutt á Bergen Universitet, og Rubao Ji, Woods Hole Oceanographic Institution, USA.
Ph.d.-ritgerðin liggur alment frammi á Landsbókasavninum.
Viðkomandi tíðindi
Costas Kadis, ES-fiskivinnukommisserur, vitjað Jákup Sverra
Í gjár vitjaði fiskivinnukommisserurin Costas Kadis umborð á Jákup Sverra. Fiskivinnukommisserurin er útbúgvin lívfrøðingur og hevur eina PhD innan lívfrøðiligt margfeldi. Marita Rasmussen, stjóri á Havstovuni, Leon Smith, deildarleiðari, Jan…
Uttanríkis- og fiskimálaráðharrin vitjað á Havstovuni
Hósdagin 30. apríl var Uttanríkis-og fiskimálaráðharrin, Bárður á Steig NIelsen, á vitjan á Havstovuni. Á vitjanini á Havstovuni fekk landsstýrismaðurin gjølliga kunning um virksemið hjá stovninum og havrannsóknarskipinum, Jákup Sverra.…
Bacheloruppgáva nýggjur granskingarpallur
Jákup Jógvansson Clementsen, sum lesur verkfrøði, vendi sær til Havstovuna í fjør at vita, um Havstovan hevði onkra uppgávu, sum hann kundi loysa í síni bachelorritgerð. Á Havstovuni hevur í…
Vitan um Føroyabanka løgd fram
Hósdagin 5. feb. hevði Havstovan væleydnað tiltak um ta vitan, sum m.a. Havstovan hevur savnað um og kring Føroyabanka seinastu 25 árini. Eini 60 fólk hittust á Hotel Brandan, har…
