Vís undanfarnu úrslit
Jákup Sverri verið eftir streymmátarum
Tann 11. mai fór Jákup Sverri á hydrografitúr, har ein av uppgávunum var at taka streymmátarar upp. Hetta eru teir fimm mátararnir, sum Jákup Sverri fyri fyrstu ferð legði út í fjørð. Tað hilnaðist sera væl, og allir mátararnir vórðu tiknir upp í øllum góðum. Tveir av mátarunum lógu á Islandsrygginum – ein í føroyskum sjógvi og hin í íslendskum sjógvi. Har hava hesir mátarar nú í tvey ár mátað rákið tvørtur um Íslandsryggin, og eru hesar mátingar gjørdar í samstarvi við DMI við fígging frá Nationalt Center for Klimaforskning. Hinir mátararnir lógu í ávikavist Bankarennuni og Føroyastreyminum norðan fyri Føroyar. Allir streymmátararnir eru nú á Havstovuni, har data verða lisin, battaríni skift, eins og annað eftirlit verður gjørt. Í komandi viku fer Jákup Sverri nýggjan hydrografitúr, har streymmátararnir verða lagdir út aftur.
Á túrinum vórðu eisini hydrografiskar mátingar gjørdar í Hetlandsrennuni eins og á Íslandsrygginum. Hesar vístu m.a., at nógvur Eysturíslandssjógvur var í Hetlandsrennuni. Fyribils úrslitini eru at síggja í túrfrágreiðingini her.
Viðkomandi tíðindi
Landgrunnurin met heitur í 2025
Miðalhitin í sjónum kring oyggjarnar fyri alt árið 2025 var eitt kvart stig heitari enn undanfarna metárið 2003. Níggju mánaðir í 2025 vóru eisini met heitir, umframt at met vórðu
Fiskur og havumhvørvi á Føroyabanka
Havstovan bjóðar øllum við áhuga í Føroyabanka, tað veri seg vinnuligt, vísindaligt, politiskt ella alment, at luttaka í einum kunnandi tiltaki um Føroyabanka. Tiltakið verður: Á Hotel Brandan5. februar – kl.
Fingu egghylkir av ringhávi í trolið
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg
Framvegis nógv til av toski og hýsu á Føroyabanka, men fiskurin er heldur rak
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað
