Aftur til 
Vís undanfarnu úrslit
Harriotta raleighana
Nevhavmús er spísk í báðum endum, tjúkkast um bulin. Hon hevur tvær ryggfjaðrar. Tann fremra er høg og stutt við stórum, hvítligum píki frammanfyri. Hin aftara er lág og long. Hon hevur stórar, veingjalíkar uggafjaðrar. Hon hevur ongan stert, men tvær fjaðrar á halanum, undir og yvir, sum renna saman aftureftir og enda í einum longum dregli. Eygu og kjaftur eru lítil. Sansigøgn, ið ganga í strikum um alt høvdið. Striku ovarlaga eftir síðunum. Sermerkt er tað langa nevið, ið stingur framúr oman fyri kjaftin. Kjafturin situr undir eygunum, ella kanska heldur aftari.
Hon fæst javnan á djúpum vatni sunnan fyri og vestan fyri Føroyar. Er annars undir Íslandi og Føroyum suður við Evropa til Marokko. Á bankum og tindum úti í Atlantshavinum. Í vestara Atlantshavinum er hon frá Nova Scotia til Virginia og Brasil. Er eisini í Kyrrahavinum, við Japan, Avstralia og Kalifornia.
Stødd
Nevhavmús verður í mesta lagi 120 cm í fullari longd og í mesta lagi 70 cm til fremra enda á ovaru halafjøður.
Dýpi
Hon er úr 360 m niður á 2000 m.
Litur
Hon er javnt brúnlig, fjaðrakantarnir eru myrkir, og búkfjaðrarnar eru heilt dimmar.
Eyðkenni
Nevhavmús líkist mest tranthavmús. Munur á teimum er m.a., at kjafturin á nevhavmús situr undir eygunum. Kjafturin á tranthavmús situr fremri enn eyguni. ’Nevið’ gongur líkasum fram úr yvirkjaftinum, heldur enn fram úr enninum, sum á tranthavmús.
Týdningur
Nevhavmús hevur ikki vinnuligan týdning.
| Før: | Nevhavmús |
| Lat: | Harriotta raleighana |
| Eng: | Bentnose rabbitfish, Longnosed chimaera, Narrownose chimaera |
| Fin: | Nokkakuningas |
| Fra: | Chimère bécune du Pacifique, Chimére á nez rigide, Chimère Raleigh, Chimère spatule |
| Ísl: | Langnefur |
| Jap: | Azuma-ginzame |
| Pol: | Drakon a. strzalosmok |
| Spa: | Quimera picuda del Pacífico |
| Týs: | Gewöhnliche Langnasenchimäre, Langnasenchimäre |
| USA: | Longnosed chimaera, Rat fish |
16.10.2025
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlag…
19.09.2025
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski…
25.06.2025
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan va…
07.04.2025
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýti…
16.12.2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastov…
29.11.2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu…
07.10.2024
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á for…
16.09.2024
Yvirlitstrolingar vórðu gjørdar á Landgrunninum í august. Úrslitini av kanningunum vísa eina øking í nøgd av toski í mun til síðstu fimm árini, men nø…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
