
Kolskeggi
Trigonolampa miriceps
Kolskeggi er langur og klænur fiskur, tunnvaksin. Hann hevur eina ryggfjøður aftarlaga á bakinum, móti klingruni, eina gotfjøður somu stødd og heldur aftari enn ryggfjøðurin. Búkfjaðrarnar eru mitt á fiskinum. Hann hevur smáar uggafjaðrar niðast við kápuna og lítlan sýldan stert. Finnan er næstan sum høvdið til longdar, við lítlari trevsu við ljósgagni á endanum. Høvdið er lutfalsliga lítið og eyguni smá. Kjafturin er stórur. Tenninar eru smáar og hvassar. Hann hevur undirbit. Tvey røð av ljósgøgnum eru niðast á síðunum, frá klingruni fram til øsið. Eitt ljósgagn er aftan fyri eygað, eitt sindur avlangt.
Útbreiðsla
Kolskeggi er fingin í Rósugarði á Íslandsrygginum. Annars í Nýfundlandi, í Grønlandsfirði, vestan fyri Írland og Marokko. Í Suðurhøvum sunnan fyri 35°S.

Stødd
Kolskeggi verður upp í 32 cm langur.
Dýpi
Hann er fingin úr 360 metrum niður á 1860 metrar.
Litur
Hann er svartur.
Eyðkenni
Ljósgøgnini sita niðast á síðunum og aftan fyri eygað. Síða finnan við trevsuni.
Týdningur
Hann hevur ikki vinnuligan týdning.
Nøvn á fiski á øðrum máli
Før: | Kolskeggi |
Lat: | Trigonolampa miriceps |
Eng: | Threeligth dragonfish |
Fra: | Dragon à trois lampes |
Ísl: | Kolskeggur |
USA: | Threeligth dragonfish |

Vit viðmæla
Viðkomandi tíðindi
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
Virkið ”NFCS Northern Fish Cold Storage” vann lutakast
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Tilmæli 2024
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
ICES-tilmæli fyri botnfisk 2024
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…