Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Fingið merktan fisk
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Verkætlanir Sæð okkurt spennandi? Ofta spurt Búmerki

Knurrhani

Eutrigla gurnardus

Fiskalisti

Knurrhani hevur tvær ryggfjaðrar. Tann fremra er tríhyrnt, stutt og høg. Tann aftara er long og lág. Hann hevur eina langa gotfjøður, stórar búkfjaðrar og stórar uggafjaðrar. Uggafjaðrarnar røkka ikki, ella kanska akkurát, til fremra enda á gotfjøðurini. Sterturin er nakað sýldur, og ovara stertablað er longri enn niðara. Niðastu tríggir teinarnir á uggafjaðrunum eru leysir av fjøðurini og síggja út sum bein. Nýveiddur gevur hann ofta eitt ‘knurrandi’ ljóð frá sær. Ógvuliga hvassur og harður er hann at strúka eftir og stívur at merkja. Hann hevur beinknútur og píkar á kápuni, langa og flata gron. Eftir strikuni er roðslan stór og hvøss.

Útbreiðsla

Undir Føroyum fæst hann um allan landgrunnin í smáum nøgdum. Hann er eisini vanligur á Føroyabanka. Hann er undir Íslandi til Norðurnoregs, í Eystarasalti til Bornholms og Blekinge. Í Norðsjónum, runt Bretsku Oyggjarnar suður til Marokko, Madeira, í Miðjarðarhavinum og Svartahavinum.

Stødd

Knurrhani verður upp í 60 cm langur, tó vanliga ikki longri enn 30-45 cm.

Dýpi

Hann er vanliga úr 10 metra dýpi niður á 150 metra dýpi. Undir Føroyum er knurrhani tó eisini fingin á minst 400 metra dýpi.

Litur

Hann er grábrúnur við reydligum undirliti, onkuntíð við grønligum, gyltum farra. Eisini hava summir meira reydligan, reyðgulan lit. Rómalittur um síðurnar, og silvurlittur undir búkinum. Ljósir blettir sløðast her og har á bakinum og síðunum. Hann hevur ljósa striku. Blettir og strikur eru á fjaðrunum.

Eyðkenni

Tey trý ‘beinini’ á uggafjaðrunum. Harða, beinuta skræðan. Uggafjaðralongdin.

Týdningur

Knurrhani er góður matfiskur og verður seldur á marknaðunum. Hevur ikki havt vinnuligan týdning í Føroyum, tí nøgdirnar eru smáar.

Nøvn á fiski á øðrum máli
Før:Knurrhani
Lat:Eutrigla gurnardus
Dan:Grå knurhane
Eng:Grey gurnard, Captain, Crointer, Crooner, Croonyill, Girnet, Goukmey, Hurdy, Krunter, Noud, Woof
Fin:Kyhmykurnusimppu, Kyhmyinen kurnusimppu
Fra:Grondin gris, Canaron, Canaroun, Cazin, Gornaud, Gournard, Gournat, Gournaud, Gronau, Grondin vert, Muloina, Rougeot gris, Trigle gris
Gri:Kapóni, Grizokaponi
Ísl:Urrari, Knurri, Kurrari
Ita:Capone Gorno, Gallinella, Pesce capone
Jap:Kanagashira, Hôbô, Hobo no rui
Ned:Grauwe poon, Knorhaan, Knorhaantje
Nor:Knurr, Hurr, Prest, Rinald, Ryt
Pol:Kurek szary
Por:Cabra morena, Bacamarte, Cabra moira, Emprenhador, Ruivo
Rus:Obyknovennyi morskoi petukh, Morskoj petuch, Seraja trigla, Seraya trigla
Spa:Perlón, Borracho, Cuco, Rubio, Rubios
Sve:Knot, Gnoding, Knorrhane
Týs:Grauer Knurhahn, Knurrhahn
USA:Searobin

Vit viðmæla

Viðkomandi tíðindi

Øll tíðindi
  • Gróðurin á Landgrunninum met góður í ár

    Í útvarpssamrøðu við Kringvarpið í farnu viku greiddi Sólvá Jacobsen, lívfrøðingur á Havstovuni, frá gróðrinum á Landgrunninum, sum í ár hevur verið millum tað allarbesta, ið Havstovan nakrantíð hevur mátað.…

    Les meira

  • Jákup Sverri aftur av makreltúri

    Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi

    Les meira

  • Jákup Sverri kannað æti og fiskalarvur á Landgrunninum

    Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…

    Les meira

  • Jákup Sverri liðugur við sildakanningar

    Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…

    Les meira