Aftur til 
Vís undanfarnu úrslit
Chirolophis ascanii
Fjaðragrúkur er lítil og tunnvaksin fiskur. Hægstur er hann við fremra enda á ryggfjøðurini. Hann hevur tveir vøkstir við eygað. Ein størri oman fyri og ein minni framman fyri hvørt eyga. Aftur frá teimum størru eru nakrir heilt smáir aftur móti ryggfjøðurini. Siljafiskar hava fremst á ryggfjøðurini ein ella tveir slíkar vøkstir. Hann hevur eina ryggfjøður eftir øllum bakinum, hon hevur bara harðar teinar, og eina gotfjøður, við bleytum teinum, frá gotinum aftur í klingruna. Hann hevur fittligan, rundaðan stert, stórar uggafjaðrar og smáar búkfjaðrar. Kjafturin er lítil. Hann hevur striku.
Fjaðragrúkur er undir Føroyum, inni á firðunum, landgrunninum og er eisini fingin á Lúsabanka. Annars er hann undir Íslandi, runt Stórabretland, fram við Noregi til Murmansk og frá Baffinslandinum til Nova Scotia.
Stødd
Fjaðragrúkur verður upp í 30 cm langur, vanliga 15-20 cm langur.
Dýpi
Hann er ikki í sjóvarmálanum, men annars úr taranum út á umleið 20 metrar, tó er hann eisini fingin úti á bæði 100 og 280 metra dýpi.
Litur
Hann er gulbrúnur, flekkutur. Hann hevur svartar ella reyðgular vøkstir við eyguni.
Eyðkenni
Vøkstirnir á høvdinum. Ryggfjøðurin við hørðum teinum.
Týdningur
Fjaðragrúkur hevur ikki vinnuligan týdning.
| Før: | Fjaðragrúkur |
| Lat: | Chirolophis ascanii, Chirolophis galerita |
| Dan: | Buskhoved |
| Eng: | Yarrell’s blenny, Yarrels blenny |
| Fin: | Sarvielaska |
| Fra: | Chirolophis |
| Ísl: | Kambhríslingur |
| Nor: | Hornkvabbe |
| Pol: | Piórkosz, Piorkosz |
| Por: | Marachomba |
| Rus: | Europesk. mochogolov. sobacka |
| Sve: | Tängsnärta |
| Týs: | Stachelrücken, Buschträger |
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
Árligu vár-yvirlitstrolingarnar á Føroyabanka vóru gjørdar tann 13.-17. mars 2024 við rannsóknarskipinum “Jákup Sverra”. Einans 13 trolstøðir av 29 vórðu kannaðar í ár, av tí at Jákup Sverri fekk tekniskar…
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
