Vís undanfarnu úrslit
Dukátfiskur
Diretmoides pauciradiatus
Dukátfiskur er smalur, há- og stuttvaksin. Hann hevur stórt høvd og stór eygu. Hann hevur beinryggir ovast á kápuni, upprendan kjaft, ið kemur akkurát inn undir fremru rondina á eygunum. Hann hevur eina langa ryggfjøður og eina heldur styttri gotfjøður. Hann hevur sýldan stert.
Útbreiðsla
Dukátfiskur sløðist norður í Davisfjørð og Grønlandsfjørð. Ein er fingin undir Føroyum. Sum heild sjáldsamur í Landnyrðingsatlantshavinum. Hann er annars í tropisku og subtropisku høvunum, frá Florida til Norðurbrasil, í Indiahavinum og Kyrrahavinum.
Stødd
Dukátfiskur verður upp í 50 cm langur.
Dýpi
Hann er frá ovastu vatnløgunum til 1000 m dýpi ella djúpari. Óbúnir fiskar eru ovari og búnir djúpari.
Litur
Hann er svartbrúnligur, ungir fiskar hava silvurfarra.
Eyðkenni
Høvuðlongdin er minni enn høvuðhæddin. Hann hevur stór eygu, og gronin er styttri enn eygnatvørmátið. Búkfjaðraendarnir røkka ikki aftur til gotfjøðurina. Beinteinar eftir kápuni.
Týdningur
Hann hevur lítlan ella ongan vinnuligan týdning.
Nøvn á fiski á øðrum máli
| Før: | Dukátfiskur, Dukatfiskur |
| Lat: | Diretmoides pauciradiatus |
| Dan: | Dukatfisk |
| Eng: | Longwing spinyfin |
| Ísl: | Svartsilfri |
| Fra: | Dirette aile longue |
| Jap: | Chigo-nakamuraginme |
| Spa: | Malcarado alón |
| USA: | Large spinyfish |
Vit viðmæla
Viðkomandi tíðindi
Eitt vet meira av toski á føroyska landgrunninum
Rannsóknarskipið “Jákup Sverri” hevur gjørt ta árligu váryvirlitstrolingina á føroyska landgrunninum, har 100 hál á ein tíma vóru tikin. Tað var framvegis sera lítið at fáa av toski, men kortini…
Virkið ”NFCS Northern Fish Cold Storage” vann lutakast
Týsdagin 19. desember 2023 var árliga lutakastið um 12.500 kr millum teirra, ið hava latið fiskamerki inn farna árið. Tað var virkið ”NFCS Northern Fish Cold Storage” í Klaksvík, sum…
Tilmæli 2024
Tann 12. desember 2023 lat Havstovan Fiskimálaráðnum tilmælið um fiskiskap eftir toski, hýsu og upsa í 2024. Í eini roynd at endurreisa toskastovnin á føroyska landgrunninum verður mælt til at…
ICES-tilmæli fyri botnfisk 2024
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
