Vís undanfarnu úrslit
Djúpangi
Holtbyrnia anomala
Djúpangi er smalur, høgur fiskur. Hægstur um nakkan, og lækkar javnt aftur í klingruna. Hann hevur eina lítla ryggfjøður afturi á sporlinum, eina gotfjøður beint undir, nakað aftari enn ryggfjøðurin. Hann hevur smáar búkfjaðrar beint aftan fyri miðjan fiskin. Uggafjaðrarnar eru smáar. Høvdið er stórt, meira enn 1/3 av standardlongdini, spískan trant, stór eygu. Kjafturin er meira enn dupult so langur sum eygnatvørmátið og kemur væl aftur um eygað. Hann hevur smáar tenn. Ein lítil angi stendur út fremst undir strikuni yvir uggafjøðurini. Veik ella neyvan sjónlig ljósgøgn eru undir búkinum og klingruni.
Útbreiðsla
Djúpangi er frá Ittoqqortoormiit, Íslandi, sunnan fyri Føroyar og suður til Namibia. Hann er vestan fyri Bretsku Oyggjarnar til Dohrnbankan og Diskovíkina. Hann er fingin út av Lúsabanka og har um leiðir.
Stødd
Størstu djúpangar eru umleið 25 cm langir.
Dýpi
Hann er við botnin og uppi í sjónum úr 700 m niður á 2700 m.
Litur
Hann er javnt dimmur. Inni í kjaftholuni og táknaholuni er hann svartur.
Eyðkenni
Stóra høvdið og lítli angin yvir uggafjøðurini.
Týdningur
Djúpangi hevur ikki vinnuligan týdning.
Nøvn á fiski á øðrum máli
| Før: | Djúpangi |
| Lat: | Holtbyrnia anomala |
| Dan: | Storhovedet skulderlysfisk |
| Eng: | Bighead searside |
| Ísl: | Græðisangi |
| Spa: | Seársido, Cabeza lustrosa, Cabeza pintada |
Vit viðmæla
Viðkomandi tíðindi
ICES-tilmæli fyri botnfisk 2026
28.11.2025
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu…
Fingu egghylkir av ringhávi í trolið
16.10.2025
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlag…
Framvegis nógv til av toski og hýsu á Føroyabanka, men fiskurin er heldur rak
19.09.2025
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski…
Gýtandi svartkalvi fingin við Føroyar
25.06.2025
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan va…
Tí er nógvur toskur at fáa í løtuni
07.04.2025
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýti…
Tilmæli 2025
16.12.2024
Tann 13. desember 2024 lat Havstovan Fiskimálaráðnum tilmæli um fiskiskap eftir toski, hýsu og upsa í 2025. Hýsustovnurin er enn væl fyri, og upsastov…
ICES-tilmæli fyri botnfisk 2025
29.11.2024
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu…
Jákup Sverri fiskar til Sjósavnið
07.10.2024
Mikudagin 2. oktober kom Jákup Sverri aftur av merkingartúri. Umframt at merkja fisk, so vóru fiskar tiknir heim við til Sjósavnið at vísa fram. Á for…
