Vís undanfarnu úrslit
Arbeiðsfundur um data frá Norrönu
Fyrst í hesi vikuni var ein arbeiðsfundur (workshop) á Havstovuni um m.a. streymmátingarnar, sum verða gjørdar við Norrönu. Tað eru Dr. Tom Rossby frá University of Rhode Island og Dr. Charles Flagg frá Stony Brook University, sum i 2006 fingu ein streymmátara umborð á Norrönu, umframt aðra útgerð, sum mátar hita og saltinnihald í sjónum. Teir hava fingið fígging frá amerikanska granskingargrunninum National Science Foundation (NSF) til at gera hesar mátingar. Í heyst fekk leiðslan á Smyril Line eitt takkarskriv (Letter of appreciation, Mynd 2) frá NSF fyri vælviljan at lata Norrönu hava hesa útgerð umborð. Jógvan í Dávastovu frá Smyril Line var eisini við á fundinum, og hann greiddi m.a. frá einum nýggjum farmaskipi, sum felagið hevur keypt. Hetta skipið verður eftir ætlan eisini útgjørt við einum streymmátara næstu ferð, tað fer í dokk, tó treytað av at fígging fæst til hetta.
Mynd 1. Stigtakararnir til at gera streymmátingar við Norrönu. Frá vinstru Dr. Tom Rossby, Jógvan í Dávastovu, ábyrgd fyri quality management, safety & security hjá Smyril Line og Dr. Charles Flagg. Í bakgrundini sæst nýggja farmaskipið hjá Smyril Line.
Tað var Dr. Tom Rossby sum, saman við fólki av Havstovuni, tók stig til arbeiðsfundin. Á fundinum vóru 11 útlendskir granskarar umframt fólk frá Havstovuni. Ymsar framløgur vóru, sum førdu til gott kjak. Samandráttur frá fundinum verður skrivaður í eini frágreiðing, sum verður løgd á heimasíðuna hjá Havstovuni í komandi mánað.
Viðkomandi tíðindi
Stovnsrøkt í skiftandi umhvørvi
Stovnsmenning og burðardygg umsiting av fiskastovnum er millum høvuðsevnini á almennu ráðstevnuni, Fiskur og framtíðin – møguleikar og avbjóðingar, sum verður í Kongshøll 8. juni. Burðardygg stovnsrøkt snýr seg um…
Costas Kadis, ES-fiskivinnukommisserur, vitjað Jákup Sverra
Í gjár vitjaði fiskivinnukommisserurin Costas Kadis umborð á Jákup Sverra. Fiskivinnukommisserurin er útbúgvin lívfrøðingur og hevur eina PhD innan lívfrøðiligt margfeldi. Marita Rasmussen, stjóri á Havstovuni, Leon Smith, deildarleiðari, Jan…
Uttanríkis- og fiskimálaráðharrin vitjað á Havstovuni
Hósdagin 30. apríl var Uttanríkis-og fiskimálaráðharrin, Bárður á Steig NIelsen, á vitjan á Havstovuni. Á vitjanini á Havstovuni fekk landsstýrismaðurin gjølliga kunning um virksemið hjá stovninum og havrannsóknarskipinum, Jákup Sverra.…
Bacheloruppgáva nýggjur granskingarpallur
Jákup Jógvansson Clementsen, sum lesur verkfrøði, vendi sær til Havstovuna í fjør at vita, um Havstovan hevði onkra uppgávu, sum hann kundi loysa í síni bachelorritgerð. Á Havstovuni hevur í…
