Vís undanfarnu úrslit
Serstakt tema
Veðurlagsdagur 2026
23. apríl
Tiltakið er ókeypis – Tó krevst tilmelding
Á Veðurlagsdegnum í ár verður høvuðsevnið “Ávirkan” og fara fleiri framløgur at snúgva seg um, hvussu Føroyar og vit sum her búgva, eru ella kunnu verða ávirkað av veðurlagsbroytingum.
Umframt at Veðurstovan, Havstovan o.o. fara at leggja fram nýggjar dátur og vitan um føroyska veðurlagið og ávirkan av veðurlagsbroytingum, eru tvær gestaframløgur:
Adrian Lema, starvast hjá Danmarks Meterologiske institutt og er formaður í Nationalt Center for Klimaforskning, har tey granska í veðurlagsvísindi og veita donsku stjórnini ráðgeving um veðurlagsbroytingar.
Andrea Vang, PhD-lesandi á Niels Bohr Instituttinum á Københavns Universitet, fer at halda framløgu um, hvussu eitt heitari Norðuratlantshav ávirkar regn og stormar í tí Norðuratlantiska økinum.
Tiltakið er alment og ókeypis, men neyðugt er at melda til.
Skrá
| Kl. | Evni | Navn |
| 13:00 | Vælkomin | Eyðdis Hartmann Niclasen, landsstýrisfólk í umhvørvismálum |
| Innleiðing | ||
| 13:07 | Um veðurlagsdagin 2026 | Sigurð í Jákupsstovu, Umhvørvisstovan |
| 13:10 | Veðrið í 2025 – samanborið við seinasta klimanormal | Turið Laksá, Veðurstova Føroya |
| 13:30 | Globale klimaforandringer – fra forskning til handling | Adrian Lema, leiðari á Nationalt Center for Klimaforskning, Danmarks Meteorologiske Institut |
| 14:00 | Steðgur 15 min. | |
| 14:15 | Veðurlagsbroytingar og lív í havinum | Sólvá Jacobsen, Havstovan |
| 14:30 | Um hvussu ein heitari heimur ávirkar regn í tí Norðuratlantiska økinum | Andrea Vang, PhD-lesandi á Niels Bohr Institutt, Københavns Universitet og Danmarks Meteorologiske Institut |
| 14:50 | Tilmælið um hækkandi vatnstøðu | Hergeir Teitsson, Umhvørvisstovan |
| 15:05 | Steðgur 15 min. | |
| 15:20 | Metadátur um náttúru- og umhvørvisdátur | Halla Weihe Reinert, Umhvørvisstovan |
| 15:30 | Skipanir at hava yvirvøku við luftgóðsku | Sigurd Christiansen, Fróðskaparsetur Føroya |
| 15:45 | Høvi at seta spurningar | |
| Samanumtøka | ||
| 15:55 | Við støði í dagsins framløgum, verður tikið samanum | Bárður A. Niclasen, Veðurstova Føroya |
Í 2024 var høvuðsspurningurin “Er føroyska veðurlagið broytt?” Í 2025 snúði dagurin seg í stóran mun um ST-ávísar (indikatorar) fyri veðurlagsbroytingum, sæddir úr føroyskum sjónarhorni. Framløgur og samandráttir frá Veðurlagsdøgunum í 2024 og 2025 eru at finna niðanfyri.
Rit gjørd eftir veðurlagsdagarnar
Ritini, sum leinki er til niðanfyri, eru samanumtøkur av áður hildnum veðurlagsdøgum. Í ritunum er m.a. samandráttur av øllum framløgunum, umframt leinki til sjálvar framløgurnar.
Fyriskipararnir ynskja við hesum, at vitan, sum er løgd fram á veðurlagsdøgunum, er alment atkomuligu og at øll áhugað kunnu fáa betri innlit í hesi viðurskifti, og fáa atgongd til dátur og tíðarrøðir, sum á einhvønn hátt lýsa føroyska veðurlagið, veðurlagsbroytingar og annað viðkomandi.
Veðurlagsdagurin er eitt samstarv millum Umhvørvisstovuna, Veðurstovuna, Havstovuna, Hagstovuna, Landsverk, Fróðskaparsetrið, Tjóðsavnið, Jarðfeingi og Firum.
