Vís undanfarnu úrslit
Toskur leypur á æðublik
Hósdagin 7. januar fingu vit forkunnuga filmsupptøku av einum toski, sum leggur eftir einum æðubliki í Haraldssundi. Á upptøkuni sæst toskurin leypa á og gloypa um hálsin á æðublikinum í eini 10 sekund. Tað kemur meir enn so fyri, at fiskur etur fugl. Mann hevur fleiri ferðir funnið fugl í fiskamaga. Í fjør var bæði lundi og havhestur funnin í havtaskumaga, sum varð fiskaður á Føroyabanka. Eisini er merktur kjógvi og rotta funnin í toski. Hetta er tó fyrstu ferð, sum vit vita um, at upptøkur eru fingnar av toski, ið beinleiðis leypir á fugl.
Upptøkurnar eru tiknar í sambandi við eina verkætlan, sum Havstovan hevur um nebbasild og tosk á innaru leiðum. Verkætlanin inniber at gera upptøkur ein tíma í senn á ymsum plássum runt um landið. Útgerðin, sum verður nýtt, nevnist stereo Baited Remote Under Water Surveillence (sBRUVS) og nýtir tvey filmsupptøkutól at taka upp við. Við stereophotogammetry ber til at máta longdina á fiski, sum svimur framvið. Hesin toskurin, sum leggur eftir æðublikinum, er máldur at vera 73 cm langur.
Viðkomandi tíðindi
ICES-tilmæli fyri botnfisk 2026
Altjóða havrannsóknarstovnurin ICES kunngjørdi í dag nýggjastu ráðgevingina fyri tosk, hýsu og upsa í føroyskum sjóøki. Ráðgevingin byggir á nýggjastu stovnsmetingarnar av hesum fiskastovnum. Tilmælini kunnu lesast á heimasíðuni hjá…
Tilgongdin av toski og hýsu á Landgrunninum og Føroyabanka ávirkast helst av havstreymum
Sum nevnt í tíðindagrein á heimasíðuni tann 10. apríl í fjør (2024), hevur toskastovnurin á Landgrunninum verið søguliga lítil seinastu árini. Hetta kemur helst bæði av ovveiðu og skiftandi umhvørvisviðurskiftum…
Merkt fisk á Landgrunninum
Tað eydnaðist at merkja 1551 fiskar á Landgrunninum á merkingatúrinum í ár, hóast veður og onnur viðurskifti avmarkaðu longdina á túrinum. Tað er í størstan mun toskur, sum verður merktur,…
Framvegis nógv til av toski og hýsu á Føroyabanka, men fiskurin er heldur rak
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
