{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Norðurlendskur fundur um plantuæti

Í døgunum 3-5. oktober hevði norðurlendski arbeiðsbólkurin NOMP (Nordic Marine Phytoplankton) fund um plantuæti á Vinnuháskúlanum. Fiskaaling og Havstovan skipaðu fyri fundinum, har 36 luttakarar úr Føroyum, Danmark, Svøríki, Norra, Íslandi og Týsklandi luttóku.

Á skránni vóru fyrilestrar og kjak um yvirvøku av plantuæti í Norðurlondum. Stórur dentur var lagdur á menning av nýggjum hættum at kanna plantuæti og á kanningar av eitrandi plantuæti. Vanliga verður plantuæti talt og eyðmerkt við mikroskopi, men DNA-kanningar og automatisk myndagreining av plantuæti gerst vanligari og vanligari.

Havstovan og Fiskaaling hava seinnu árini samstarvað um at menna yvirvøkuna av plantuæti á Føroyska Landgrunninum og í firðunum. Plantuæti er fyrsti liður í føðiketuni, og hevur tískil stóran týdning fyri alla vistskipanina.

Í sambandi við aling kann eitrandi plantuæti hava neiliga ávirkan á alifisk og í summum førum elva til at hann doyr. Eisini upphópast eiturevni í skeljadjórum, tá tey eta eitrandi plantuæti.

Viðkomandi tíðindi

  • Havstovan nýggja heimasíðu

    Tann 29. mai varð nýggja heimasíðan hjá Havstovuni gjørd almenn. Tað er fyritøkan Lunnar, sum hevur ment og sniðgivið síðuna. Nýggja heimasíðan er eitt munandi framstig í mun til undanfarnu…

    Les meira

  • Vitjan úr Íslandi

    Í síðstu viku fekk Havstovan vitjan av systurstovninum í Íslandi – Hafrannsóknastofnun (HAFRÓ). Endamálið við vitjanini í Føroyum var at kunna seg um ymiska gransking í havumhvørvi. Við á ferðini…

    Les meira

  • Nógvur gróður at síggja á hydrografitúri

    Tann 15. mai fór Jákup Sverri út at taka streymmátarar upp og gera hydrografiskar kanningar. Mátað var eftir seks skurðum, harav seks vóru sonevndir standard hydrografiskir skurðir. Nógva staðni var…

    Les meira

  • Jákup Sverri kannað æti og fiskalarvur á Landgrunninum

    Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…

    Les meira