Vís undanfarnu úrslit
Fundur um Norskahavið á Havstovuni
Mikudagin 22. november vóru áhugapartar frá stovnum og vinnu boðin til fund um Norskahavið á Havstovuni. Endamálið var at kunna um gransking í Norskahavinum og eisini at spyrja áhugapartarnar um, hvat tey hildu vóru átrokandi mál hjá granskarum at arbeiða við.
Orsøkin til, at fundurin varð hildin nú, var at granskarar úr okkara grannalondum, sum allir arbeiða við Norskahavinum, vóru á árligum arbeiðsfundi í Føroyum.
Hugaligt var at síggja umboð frá almennu fyrisitingini, frá øðrum granskingarstovnum og frá virkjum og reiðaríum koma á fundin. Á fundinum vóru framløgur um Norskahavið, umframt at møguleiki var fyri at seta spurningar og at kjakast um evnið.
Sum nevnt, var endamálið eisini at frætta, hvat áhugapartarnir halda, eru týdningarmikil evnir at viðgera og granska. Havstovan takkar øllum sum komu á fundin og vónar at fáa afturmeldingar um, hvørji granskingarevni eiga at verða tikin upp.
Viðkomandi tíðindi
Frágreiðing um føroysku havvistskipanina útkomin
Fríggjadagin 1. desembur almannakunngørdi ICES eina frágreiðing um føroysku havvistskipanina – á enskum “Faroes ecoregion – Ecosystem overview”. Frágreiðingin viðger m.a., hvørji mannaskapt árin eru á vistskipanina, og ikki óvæntað…
Fundur um Norskahavið á Havstovuni
Mikudagin 22. november vóru áhugapartar frá stovnum og vinnu boðin til fund um Norskahavið á Havstovuni. Endamálið var at kunna um gransking í Norskahavinum og eisini at spyrja áhugapartarnar um,…
PhD skeið um havklima og vistskipanir væleydnað
PhD-skeiðið, við heitinum “Ecologically relevant oceanographic processes in the Northeastern Atlantic” er nú lokið. Allir 14 næmingarnir stóðu royndina og hava fingið prógv frá Fróðskaparsetri Føroya. Granskarar á Havstovuni og…
Havstovan á Náttúruráðstevnu í Norðurlandahúsinum
Á Náttúruráðstevnuni, sum var í Norðurlandahúsinum týsdagin 3. oktober, hevði Sólvá Jacobsen, lívføðingur á Havstovuni, eina framløgu. Hon greiddi frá náttúruni í havinum og um týdningin av at fáa meiri…
