{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}
Einki úrslit

Frágreiðing um føroysku havvistskipanina útkomin

Fríggjadagin 1. desembur almannakunngørdi ICES eina frágreiðing um føroysku havvistskipanina – á enskum “Faroes ecoregion – Ecosystem overview”. Frágreiðingin viðger m.a., hvørji mannaskapt árin eru á vistskipanina, og ikki óvæntað er niðurstøðan, at fiskiskapur hevur størst árin.

Frágreiðingin hevur eina stutta lýsing av havvistskipanini, og hvussu hon verður umsitin. Síðani er ein lýsing av, hvat virksemi (t.d. fiskiskapur og skipaferðsla) hevur ávirkan á vistskipanina, hvørji trýst virksemið elvir til, og hvørjir partar í vistskipanini verða ávirkaðir. Fimm tey størstu trýstini eru beinleiðis veiða av djórum, fysisk ávirkan á botnin, dálkandi evnir, burturkast í havinum og tilføring av tøðevnum. Beinleiðis veiða er mett at hava nógv størst árin á vistskipanina, og er hetta serliga á fisk, men eisini á sjófugl. At enda í frágreiðingini er eisini ein støðumeting av vistskipanini.

Metingin av ymsa virkseminum, hvørji trýst tað elvir til og á hvørjar partar í vistskipanini, er gjørd eftir einum fastløgdum leisti hjá ICES. Frágreiðingar fyri onnur økir, eitt nú Norðsjógvin og Norskahavið, eru gjørdar eftir sama leisti. ICES skipar fyri, at tríggjar ymsar frágreiðingar fyri hvørt øki verða gjørdar. Umframt fyri havvistskipanina, so eru frágreiðingar fyri fiskiskap og fyri aling. Fyri føroyska havøkið eru nú allar tríggjar frágreiðingarnar tøkar. Ætlanin er, at frágreiðingin um føroysku havvistskipanina skal endurskoðast um fimm ár.

Karin Margretha H. Larsen, Sólvá K. Eliasen og Petur Steingrund

Viðkomandi tíðindi

  • Frágreiðing um føroysku havvistskipanina útkomin

    Fríggjadagin 1. desembur almannakunngørdi ICES eina frágreiðing um føroysku havvistskipanina – á enskum “Faroes ecoregion – Ecosystem overview”. Frágreiðingin viðger m.a., hvørji mannaskapt árin eru á vistskipanina, og ikki óvæntað…

    Les meira

  • Fundur um Norskahavið á Havstovuni

    Mikudagin 22. november vóru áhugapartar frá stovnum og vinnu boðin til fund um Norskahavið á Havstovuni. Endamálið var at kunna um gransking í Norskahavinum og eisini at spyrja áhugapartarnar um,…

    Les meira

  • PhD skeið um havklima og vistskipanir væleydnað

    PhD-skeiðið, við heitinum “Ecologically relevant oceanographic processes in the Northeastern Atlantic” er nú lokið. Allir 14 næmingarnir stóðu royndina og hava fingið prógv frá Fróðskaparsetri Føroya. Granskarar á Havstovuni og…

    Les meira

  • Havstovan á Náttúruráðstevnu í Norðurlandahúsinum

    Á Náttúruráðstevnuni, sum var í Norðurlandahúsinum týsdagin 3. oktober, hevði Sólvá Jacobsen, lívføðingur á Havstovuni, eina framløgu. Hon greiddi frá náttúruni í havinum og um týdningin av at fáa meiri…

    Les meira