Aftur til 
Vís undanfarnu úrslit
Centroscyllium fabricii
Svarthávur er langur og nakað smidligur. Tjúkkastur er hann um búkin, kvennfiskarnir hava ofta tjúkkan og vatnutan búk. Píkur er framman fyri tær báðar ryggfjaðrarnar. Tann aftara ryggfjøðurin er umleið tvær ferðir so stór sum fremra. Sama er við píkunum. Táknaopini ganga beint móti uggafjøðurini. Hann hevur stór eygu. Andaholini eru umleið 1/3 av eygnastøddini. Hann hevur stutta gron. Hann er svartur inni í kjaftinum. Tenninar eru umleið eins í báðum kjaftum, smáar, í 3-5 røðum. Kjafturin er bogin.
Svarthávur er í Norðuratlantshavi, í hellingunum frá Ittoqqortoomiit í Eysturgrønlandi, Íslandi og suður við Vesturafrika. Í Davisfirði, suður til Virginia. Á Miðatlantsrygginum, á bankum og tindum suður til Asoroyggjar. Undir Føroyum fæst hann sunnanfyri og vestanfyri.
Stødd
Svarthávur verður upp í 120 cm langur, vanlig longd er um 80-90 cm.
Dýpi
Hann er vanligur fiskur á dýpi millum 250-1500 m og er helst eisini djúpari.
Litur
Hann er svartur ella heilt myrkabrúnur. Myrkastur er hann undir búkinum.
Eyðkenni
Svarthávur er slenutur, bleytur, tá hann er deyður. Á trolveiddum fiski er skræðan ofta skrødd, og tað sæst inn á tann hvíta fiskin. Hann hevur møguliga heilt smá ljósgøgn. Hann kennist frá døkkhávi m.a. á tí, at aftari endi á búkfjaðrafestinum kemur aftur um aftara píkin.
Týdningur
Hann hevur lítlan og ongan vinnuligan týdning.
| Før: | Svarthávur |
| Lat: | Centroscyllium fabricii |
| Dan: | Fabricius sorthaj |
| Eng: | Black dogfish |
| Fra: | Aiguillat noir |
| Grø: | Eqalussuaq qernertoq |
| Ísl: | Svartháfur |
| Ned: | Zwarte lantaarnhaai |
| Nor: | Islandshå |
| Spa: | Tollo negro merga |
| Sve: | Svart pighaj |
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg…
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79…
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
