Vís undanfarnu úrslit
Jeffreysar stubbi
Buenia jeffreysii
Høvdið er breitt og lágt. Gronin er styttri enn eygnatvørmátið, og eyguni sita so tætt saman, at tey bera næstan saman. Hann hevur tvær ryggfjaðrar. Á siljafiskum er annar teinur í fremru ryggfjøður hægri enn hinir og stingur berur upp úr fjøðurini. Fremra ryggfjøður er hægri enn aftara, og aftara er longri, eins long og gotfjøðurin. Búkfjøðurin kemur aftur til aftara enda á uggafjøðurini. Uggafjøðurin er væl rundað, ein evars lítil spíssur er tó aftureftir. Sterturin er rundaður. Umleið 30 roðslur eru aftur eftir miðjuni og 7-8 frá fremst á aftaru ryggfjøður og niður til gotfjøðurina.
Útbreiðsla
Jeffreysar stubbi tykist at vera sjáldsamur fiskur undir Føroyum eins og aðrastaðni. Hann er fingin norðast í Biskeiavíkini, undir Íslandi (ikki á Norðurlandinum). Í norðara parti av Norðsjónum, við Útsynningsnoreg og í Skagerrak, norðantil og vestantil við Bretsku Oyggjarnar til syðra part av Ermarsundi.
Stødd
Jeffreysar stubbi verður upp í 6 cm langur.
Dýpi
Hann er úr 5 m niður á 350 metra dýpi, oftast á grótbotni, leirbotni ella sandbotni.
Litur
Hann er grønligur til rustbrúnur við 4-5 myrkum blettum eftir síðunum. Ryggfjaðrarnar eru blágráar við dimmum tvørstrikum.
Eyðkenni
Støddin og liturin. Blettirnir.
Týdningur
Hann hevur ikki vinnuligan týdning.
Nøvn á fiski á øðrum máli
| Før: | Jeffreysar stubbi |
| Lat: | Buenia jeffreysii |
| Dan: | Jeffreys kutling, Jeffrey’s kutling |
| Eng: | Jeffrey’s goby |
| Fra: | Gobie de Jeffreys |
| Ísl: | Jeffreys kýtlingur |
| Nor: | Piggkutling |
| Pol: | Babka rdzawa |
| Sve: | Jeffreys smörbult |
| Týs: | Jeffrey-Grundel, Jeffrey’sche Grundel |
Vit viðmæla
Viðkomandi tíðindi
Fingu egghylkir av ringhávi í trolið
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg…
Framvegis nógv til av toski og hýsu á Føroyabanka, men fiskurin er heldur rak
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
Gýtandi svartkalvi fingin við Føroyar
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79…
Tí er nógvur toskur at fáa í løtuni
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
