Aftur til 
Vís undanfarnu úrslit
Icelus bicornis
Íshavskrutt er bulmikil fiskur, minnir eitt sindur um kryplaðan fisk. Tað hevur tvær ryggfjaðrar, tann fremra er stutt. Aftara ryggfjøðurin er serliga long. Tað hevur eina gotfjøður og stórar uggafjaðrar. Búkfjaðrarnar eru smáar, smalar og stuttar. Strikan er sett við umleið 38 beinplátum, og hon røkkur ikki aftur til stertin. Oman fyri strikuna, upp móti ryggfjaðrunum, er enn eitt rað av beinplátum, ella píkum. Íshavskrutt hevur stórt høvd. Á kápuni eru 4 píkar hvørjumegin, tann ovasti er klovin. Kallfiskar hava stóra sinu.
Undir Føroyum er íshavskrutt veitt eystan fyri oyggjarnar og vesturi á Íslandsrygginum. Tað er annars úr Íshavinum til Skagerrak, í Eystur- og Vesturgrønlandi. Vestan fyri er tað frá Cape Cod norður gjøgnum Davisfjørð, norður um Kanada til Aleutoyggjarnar.
Stødd
Íshavskrutt verður upp í 15,7 cm langt.
Dýpi
Undir Føroyum er íshavskrutt fingið úr 300 m niður á 350 m, er annars úr 1 m niður á 500 m.
Litur
Tað er gulligt við brúnum blettum, teir flestu eru um bakið. Veikur, gulligur litur er um búkin. Tvørstrikur eru eftir fjaðrateinunum.
Eyðkenni
Klovni píkurin á kápuni hvørjumegin.
Týdningur
Íshavskrutt hevur ikki vinnuligan týdning.
| Før: | Íshavskrutt |
| Lat: | Icelus bicornis |
| ala: | Twohorn sculpin |
| Can: | Icele a deux cornes |
| Dan: | Tornulk Almindelig-, Tornulk |
| Eng: | Twohorn sculpin |
| Fin: | Haarakoukkuinen simppu |
| Grø: | Kanajoq kapinartulik |
| Ísl: | Fuðriskill |
| Nor: | Tornulke |
| Pol: | Dwurozek |
| Sve: | Klykskrabb, Klyksrabb |
| USA: | Twohorn sculpin |
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg…
Jákup Sverri hevur gjørt árligu yvirlitstrolingina á Føroyabanka í september, har 29 hál á ein tíma vóru tikin. Tað var framvegis nógv at fáa av toski, hóast nøgdin var nakað…
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan var um ein rognafisk, sum var 79…
Tað frættist, at bátar fáa nógvan fisk á várróðrinum í ár. Gýtingartíð er, og tí er meginparturin av toskinum á føroyska landgrunninum savnaður á gýtingarøkjum. Hesi økini eru, har bátarnir…
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
