Aftur til 
Vís undanfarnu úrslit
Dalatias licha
Høvuðlítli hávur er mjávaksin. Tvørskurðurin er rundur. Hann hevur tvær smáar ryggfjaðrar, tann aftara er størri. Búkfjaðrarnar eru størri enn ryggfjaðrarnar. Fremri endi á aftaru ryggfjøðurini er mitt yvir búkfjaðrunum. Sterturin er rættiliga stórur. Høvdið er ógvuliga lítið eftir kroppinum og eftir øðrum hávasløgum. Hann hevur tjúkkar granar. Hann hevur stutta og avrundaða gron. Eygnaholan er eins long og gronin. Nasagluggarnir sita næstan fremst á gronini. Kjafturin er lítið bogin. Hann hevur andahol oman fyri og aftan fyri eyguni.
Høvuðlítli hávur sæst sjáldan undir Føroyum, men er fingin út av Bankarygginum. Hann er annars í Norðsjónum, frá Hebridunum og suður til Guineaflógvan og Suðurafrika. Hann er á bankum og tindum úti í Atlantshavinum. Frá Gibraltar til Grikkalands. Í Vesturatlantshavinum er hann fingin frá George Banka í Meksikoflógvan. Er eisini í Kyrrahavinum og Indiahavinum.
Stødd
Høvuðlítli hávur verður í mesta lagi um 180 cm. Vanliga er hann 100-150 cm.
Dýpi
Hann er úr 90 m niður á 1800 m.
Litur
Høvuðlítli hávur er mest sum einlittur dimmbrúnur, kanska dimmgrábrúnur um allan kroppin. Hann er hvítur inni í kjaftinum og hevur ljósagráar, eyðsýndar granar.
Eyðkenni
Høvuðlítli hávur hevur lítið høvd, smáar ryggfjaðrar og ikki pík framman fyri ryggfjaðrarnar. Hvíti kjafturin og andaholuni. Hann kennist frá hákelling m.a. á stuttu gronini, stóra stertinum, og at aftari endi á búkfjøðurfestinum situr mitt undir aftaru ryggfjøður.
Týdningur
Høvuðlítli hávur hevur ikki vinnuligan týdning.
| Før: | Høvuðlítli hávur |
| Lat: | Dalatias licha, Scymnorhinus licha |
| Azo: | Gata-lixa |
| Dan: | Chocoladehaj |
| Eng: | Darkie Charlie, Armor, Kitefin shark, Seal shark, Valentins sea hound |
| Fra: | Squale liche |
| Gri: | Skylopsaro |
| Ísl: | Skarðaháfur |
| Ita: | Zigrino |
| Jap: | Yoroizame |
| Ned: | Valse doornhaai |
| Nor: | Spansk håkjerring |
| Pol: | Liksa |
| Por: | Gata, Carocho, Gata-lixa, Trabolha |
| Spa: | Lija, Carocho, Negra |
| Týs: | Schokoladenhai |
| USA: | Kitefin shark |
Rannsóknarskipið Magnus Heinason fekk í august 2007 eina nærum 10 metrar langa brugdu í trolið. Hetta er úr Sjóvarmál 2011, les víðari her. Viðkomandi tíðindi
Mánadag – hósdag: 09.00 – 16.00
Fríggjadag: 09.00 – 15.30
Tlf: +298 35 39 00
