Vís undanfarnu úrslitNøvn á fiski á øðrum máli
| Før: | Hornhávur |
| Lat: | Oxynotus paradoxus |
| Eng: | Kite-fin shark, Sailfin roughshark |
| Fra: | Humantin |
| Ísl: | Kýrhávfur |
| Ned: | Zeilvinruwhaai |
| Pol: | Kolcoskór |
| Por: | Peixe-porco-de-vela |
| Spa: | Cerdo marino velero |
| Sve: | Spetsfenad haj |
Havið 
Lívið í havinum
Hornhávur
Oxynotus paradoxus
Hornhávur er tjúkkur um miðjuna, í tvørskurð er hann mest sum tríkantaður. Hann hevur høgar, stórar og spískar ryggfjaðrar við stórum píkum, sum standa umleið mitt í fjaðrunum. Skræðan er ósløtt og skurvut. Hann hevur lítið høvd við heilt lítlum kjafti, stórar, svamputar og rukkutar granar. Hann er flatur undir búkinum. Hann hevur 5 smá táknaop og andahol aftan fyri eyguni.
Útbreiðsla
Hornhávur er úr føroyskum sjógvi suður til Vesturafrika. Undir Føroyum eru nakrir hornhávar fingnir á umleið 1000 m dýpi vestan fyri Føroyabanka.
Stødd
Hornhávur verður upp í umleið 120 cm, vanliga 70-85 cm langur.
Dýpi
Hann er úr 270 m niður á 1000 m dýpi, men er tó eisini fingin grynri enn 100 m.
Litur
Hann er heilt dimmur, svartur, aðrir litir eru ikki uppií.
Eyðkenni
So serligt er skapið, at hann valla kann mistakast fyri annan háv, undantikið tann nær skylda O. centrina, ið heldur til sunnan fyri Bretsku Oyggjarnar. Á hornhávi hella báðir píkarnir afturyvir. Fremri píkurin á O. centrina hellir framyvir.
Týdningur
Hornhávur hevur ikki vinnuligan týdning.
Vit viðmæla
Viðkomandi tíðindi
Fingu egghylkir av ringhávi í trolið
16.10.2025
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlag…
Gráhávur – ein sjáldsamur gestur
07.06.2024
Herfyri fekk Havstovan ein gráháv (Galeorhinus galeus) at kanna. Hávurin var fingin á línu við Suðuroynna. Hetta er triðja skráseting av gráhávi í før…
Lítið av gulllaksi at fáa á djúpum vatni
13.10.2023
Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum…
Fingið merktan skrubbháv
04.01.2018
23. oktober 2017 fekk Havstovan ein merktan skrubbháv frá trolaranum Suðringi. Hesin skrubbhávur varð merktur í Spania 24. december 2014, á positión 4…
Fingu stóra brugdu
01.09.2011
Rannsóknarskipið Magnus Heinason fekk í august 2007 eina nærum 10 metrar langa brugdu í trolið. Hetta er úr Sjóvarmál 2011, les víðari her. Viðkomandi…
