Døkkhávur

Etmopterus princeps

Døkkhávur hevur tvær ryggfjaðrar, tann fremra er minni. Píkur er framman fyri ryggfjaðrarnar, tann fremri er minni, umleið helvtina av aftara. Høvuðbreiddin er størri enn longdin úr kjaftinum í trantin. Kjafturin er næstan beinur. Heysurin er flatur omaná, og gronin er eitt sindur kílaskapað. Hann hevur stór eygu. Búkfjaðrarnar eru umleið líka stórar sum aftara ryggfjøður. Búkfjaðrarnar eru eitt lítið sindur fremri enn fremri endi á aftaru ryggfjøður. Hann hevur andahol aftan fyri og nakað oman fyri eygað.

Útbreiðsla

Hann er undir Íslandi, Føroyum, gjøgnum kantin suður til Móritania í Vesturafrika. Er eisini úti fyri Nova Scotia í Kanada til New Jersey í USA. Undir Føroyum fæst hann á djúpum vatni vestan fyri Føroyabanka og har um leiðir.

Stødd

Døkkhávur verður í mesta lagi 80 cm langur.

Dýpi

Hann er úr 300 m og kanska djúpari enn 2000 m.

Litur

Hann er einlittur dimmbrúnur um allan kroppin. Afturkanturin á ryggfjaðrunum er ljósari. Píkarnir eru nakað gjøgnumskygdir, teir eru hvítir og svartir innií.

Eyðkenni

Døkkhávur minnir mest um svartháv, men kennist frá honum m.a. á tí, at festið á búkfjaðrunum ikki røkkur aftur undir aftara píkin, og at liturin er brúnligari.

Týdningur

Hann hevur ikki vinnuligan týdning.

Nøvn á fiski á øðrum máli

Før:	Døkkhávur, Colletts búksvarti hávur
Lat:	Etmopterus princeps
Dan:	Lyshaj
Eng:	Great lanternshark, Rough sagre
Fra:	Sagre rude, Sagre rouge
Ísl:	Døkkháfur
Jap:	Futo-karasuzame
Ned:	Grote lantaarnhaai
Nor:	Stor svarthå
Spa:	Tollo lucero raspa
Sve:	Brunkäxa
Týs:	Grosser Schwarzer Dornhai

Vit viðmæla

Havið

Lívið í havinum

Fiskur

Bróskfiskar

Viðkomandi tíðindi

Øll tíðindi

Fingu egghylkir av ringhávi í trolið
16/10-2025
Tá Jákup Sverri var árliga djúpvatnstúrin í september í ár (sí túrfrágreiðing her), vórðu tvey brún egghylkir funnin í trolinum. Hetta hendi vestarlaga á Bankarygginum, sunnan fyri Føroyabanka. Fleiri sløg…
Les meira
Gráhávur – ein sjáldsamur gestur
07/06-2024
Herfyri fekk Havstovan ein gráháv (Galeorhinus galeus) at kanna. Hávurin var fingin á línu við Suðuroynna. Hetta er triðja skráseting av gráhávi í føroyskum sjógvi. Tó er hetta fyrsti fiskurin,…
Les meira
Lítið av gulllaksi at fáa á djúpum vatni
13/10-2023
Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum vórðu skrásett 88 ymisk sløg av…
Les meira
Fingið merktan skrubbháv
04/01-2018
23. oktober 2017 fekk Havstovan ein merktan skrubbháv frá trolaranum Suðringi. Hesin skrubbhávur varð merktur í Spania 24. december 2014, á positión 43°40N og 04°24W. Dýpið var 1060 metrar. Hann…
Les meira