Vís undanfarnu úrslit
Maskinstjóri til Jákup Sverra
Avbjóðandi og spennandi starv sum maskinstjóri umborð á havrannsóknarskipinum Jákup Sverra er nú leyst at søkja.
Jákup Sverri ger ymsar rannsóknar- og fiskitúrar gjøgnum árið eftir fastlagdari árligari sigliætlan. Umframt rannsóknir í føroyskum sjóøki, verður nakrar ferðir um árið farið í onnur sjóøki at gera kanningar. Túralongdin er vanliga úr einari upp í tríggjar vikur.
Førleikar
- Vinnubræv sum ’Chief Engineer’ Reg. III/3 Chief Engineer
- Trygdarskeið, Brandleiðaraskeið
- Roykkavaraskeið
- FRC-skeið
- Heilsuváttan fyri sjófólk
- Málførleikar á føroyskum, norðurlendskum og enskum máli
- Góð samstarvsevnir
Tað er ein fyrimunur, at tann, ið settur verður, hevur royndir við teirri tøkni, sum er umborð á slíkum framkomnum skipi, tað veri seg bæði innan maskintøkni og eltøkni.
Setanartreytir
Løn sambært sáttmála millum Maskinmeistarafelagið og Fíggjarmálaráðið.
Umsókn
Umsókn við avritum av prógvum, CV og viðkomandi skjølum skal vera Havstovuni í hendi í seinasta lagi 8. september 2025 kl. 12.
Umsóknin skal sendast í telduposti til Havstovuna frámerkt ”Starv” á starv@hav.fo.
Nærri upplýsingar um starvið kunnu fáast við at venda sær til Erling í Liða, reiðara, tlf. 79 39 01.
Um Jákup Sverra: Skipið, sum er bygt av MEST í 2020, er eitt tað hentasta amboðið hjá Havstovuni í sínum arbeiði at granska havumhvørvið og havtilfeingið í teimum økjum, har Føroyar hava fiskiveiðuáhugamál.
Jákup Sverri ger kanningar av havfrøði, æti, yngli, fiski o.ø. við ymsum reiðskapum og tólum. Havfrøðiligar kanningar fevna m.a. um at seta út streymmátarar, kortlegging av havbotninum, botnkanningar og seismikk. Fiskifrøðiligar kanningar verða gjørdar við botn- og uppsjóvartroli. Veiðan verður nágreiniliga kannað, og er partur av grundarlagnum undir stovnsmetingum av fiskastovnum.
Sigliætlan verður løgd fyri 1 ár ísenn. Manningin, sum telur 16 fólk, fær við ársbyrjan yvirlit yvir dagar umborð og frítíð í landi.
Meira kunning um skipið sæst her.
Viðkomandi tíðindi
Jákup Sverri “opið skip” á Sjómannadegnum
20.08.2025
Leygardagin 23. august verður “opið skip” umborð á Jákup Sverra sum partur av Føroya Sjómannadegi í Klaksvík. Opið verður frá kl. 14.00 til 17.00. Ges…
Lítið av yngli í summar
20.08.2025
Nøgdin av fiskayngli er lítil í ár, bæði á Landgrunninum og Føroyabanka, tó burtursæð frá hýsu og lodnu á Landgrunninum. Eisini er miðallongdin á fles…
Jákup Sverri liðugur við makrelkanningar
24.07.2025
Sunnumorgunin 20. juli kom Jákup Sverri aftur av ársins makreltúri. Túrfrágreiðingin kann lesast her. Kanningin er partur av felagskanning saman við D…
Gýtandi svartkalvi fingin við Føroyar
25.06.2025
Á sætta sinni hevur Havstovan nú skrásett ein svartkalva við rennandi rognum undir Føroyum. Tað varð gjørt á árliga svartkalvatúrinum í juni. Talan va…
Nýggjur streymmátari royndur í Bankarennuni
17.06.2025
Jákup Sverri hevur verið á tveimum hydrografitúrum í ávikavist mai og juni. Hetta eru afturvendandi túrarnir hesa tíðina, har streymmátarar verða tikn…
Makrelgýting við Føroyar kannað
10.06.2025
Í farnu viku varð Jákup Sverri liðugur at kanna makrelgýting á leiðunum kring Føroyar. Mest av makreleggum vóru í økjunum móti evropisku hellingini ey…
Væleydnaður aðalfundur hjá evropiska felagnum fyri havrannsóknarskip liðugur
05.06.2025
Havstovan hevur í døgunum 2. til 4. juni skipað fyri 27’th ERVO Annual Meeting í Kongshøll í Havn. ERVO stendur fyri European Research Vessel Operator…
Sildakanningar norðanfyri
13.05.2025
Nakað av sild var at síggja, serliga í altjóða økinum norðanfyri, meðan lítið og onki var at síggja norðast í føroyska sjóøkinum og móti Íslandi. Meir…
