08. Okt. 2013

Nógvur smáfiskur at fáa á merkingartúrinum

 

Ongantíð hesi seinastu 15 árini hevur so nógvur smáfiskur verið fingin á merkingartúrinum í september/oktober. Vanliga liggur talið á smáfiski (< 40 cm) um 1-2 % av teimum merktu toskunum eystanfyri, meðan í ár var tað heilt uppi á 10%.

 

Ein skuldi trúð, at hetta boðaði frá góðari tilgongd av smáfiski til fiskiskapin komandi árini, men soleiðis nýtist tað ikki at verða, tí einki samsvar er millum smáfisk á merkingartúrinum og tilgongd til toskastovnin.

 

Hinvegin er nógv av smáfiski at fáa á merkingartúrinum, tá toskastovnurin er lítil, og øvugt. Hetta bendir á, at smáfiskurin torir ikki at koma út frá landi, tá nógvur toskur er til.

 

Les túrfrágreiðingina her.