Aftur til 
Vís undanfarnu úrslit
Syngnathus acus
Tarasproti er langur og klænur. Sterturin er lítil, ryggfjaðrarnar og uggafjaðrarnar eru eisini smáar, men týðiligar. Frá uggafjøðurini til gotið eru 17-21 ringar tvørtur um kroppin, og frá gotinum til stertin eru 38-43. Høvdið er langt, og tranturin er meira enn helvtin av høvuðlongdini.
Tarasproti er undir Føroyum, tó er hann sjáldan at síggja. Hann er frá
Tromsø til Kattegat, undir Bretsku Oyggjunum, suður við strondum Evropa til Portugals, í Miðjarðarhavinum og Svartahavinum. Við Vesturafrika til Senegal. Møguliga eisini við Suðurafrika.
Stødd
Tarasproti verður upp í 50 cm langur.
Dýpi
Hann er úr fjøruni og út á 116 metra dýpi.
Litur
Hann er brúnur við óregluligum myrkabrúnum, grønligum ella svørtum blettum ella krossaðum bondum á bakinum. Hann er ljósari brúnur undir búkinum. Undir høvdi og sporli er hann rómalittur. Ryggfjøðurin er brúnblettut.
Eyðkenni
Ringarnir og tann klæni, langi kroppurin. Langi tranturin og fjaðrarnar.
Týdningur
Hann hevur ikki vinnuligan týdning.
| Før: | Tarasproti, Stór sjónál |
| Lat: | Syngnathus acus |
| Azo: | Chicote |
| Dan: | Stor tangnål |
| Eng: | Greater pipefish, Common pipefish, Great pipefish |
| Fin: | Isoneula |
| Fra: | Aiguille de mer, Syngnathe aiguille, Trompette |
| Ísl: | Stóri sæprjónn |
| Ita: | Pesce ago, Singnato |
| Ned: | Grote zeenaald |
| Nor: | Stor kantnål, Kantnål |
| Pol: | Iglik |
| Por: | Marinha-comun |
| Rus: | Bolsaja igla ryba |
| Spa: | Aguja de mar, Mula |
| Sve: | Större kantnål, Stor kantnål |
| Týs: | Große Seenadel |
Sunnukvøldið 14. juli kom Jákup Sverri aftur av ársins makreltúri. Føroyska túrfrágreiðingin kann lesast her. Tá hini skipini eru liðug við kanningarnar, verður felags túrfrágreiðing skrivað. Viðkomandi tíðindi
Ta fyrstu tíðina eftir at rognkornini eru klækt, fáa fiskalarvurnar bert tikið smáa føði, sum fyri tað mesta er djóraæti, ið nýliga er gýtt. Fyri at djóraæti kann nørast og…
Leygarkvøldið 4. mai kom Jákup Sverri aftur av árligu silda- og svartkjaftakanningunum norðanfyri. Í kanningarøkinum hjá Jákupi Sverra var lutfalsliga lítið at síggja av sild. Norðhavssild var at síggja í…
Ekkókanningar av svartkjafti sunnan fyri Føroyar og suður í bretskan og írskan sjógv vóru gjørdar í tíðarskeiðinum 20. mars til 5. apríl 2024. Ekkóvirðir (nøgd) av svartkjafti, Jákup Sverri 20/3-5/4…
