Aftur til 

{{levelTitles[menuLevelIndex]}}

{{levelTitles[menuLevelIndex]}}

{{ item.title }}
{{currentPage * pageSize + 1}} - {{pageSize * (currentPage + 1) > numberOfResults ? numberOfResults : pageSize * (currentPage + 1)}} úrslit av {{numberOfResults}}

{{result.post_title}}

{{handleContent(result.content)}}

{{postTypeMapping[result.post_type]}}
Einki úrslit
Havið
Havið Hiti og salt Rák Havsúrgan
Lívið í havinum
Lívið í havinum Fiskur Havsúgdjór Sjófuglur Djóraplankton Plantuplankton
Tilmæli
Tilmæli Tilmæli frá Havstovuni Tilmæli frá ICES Um stovnsmeting
Fiskalisti
Tíðindi
Um Havstovuna
Um Havstovuna Samband Jákup Sverri Starvsfólk Sæð okkurt spennandi? Ofta spurt Búmerki

Mánafiskur

Mola mola

Fiskalisti

Mánafiskur er stuttur, tunnvaksin og høgur. Ryggfjøðurin situr beint uppi yvir gotfjøðurini. Hesar báðar fjaðrarnar eru serliga høgar. Sterturin er allur afturkanturin á fiskinum, nakrir lappar, ið hanga aftur úr honum. Búkfjaðrar eru ongar. Hann hevur smáar uggafjaðrar og smá táknaop, lítlan kjaft og smá eygu.

Útbreiðsla

Mánafiskur er í øllum heimshøvum. Undir Føroyum er hann viðhvørt at síggja um summarið og heystið úti til havs, stendur á skák, svimjandi spakuliga í vatnskorpuni við ryggfjøðurini stingandi uppúr. Hann er fingin nakrar ferðir inni við land í Føroyum. Hann er í øllum teimum heitu og flógvu høvunum. Hann er í Indiahavinum, Kyrrahavinum og Miðjarðarhavinum. Í Atlantshavinum er hann frá Argentina og Suðurafrika norður til Nýfundlands, Noregs og Íslands.

Stødd

Mánafiskur verður upp í 3 m langur.

Dýpi

Mánafiskur er uppsjóvarfiskur, hann er úr vatnskorpuni og í minsta lagi niður á 360 metra dýpi.

Litur

Hann er gráligur ella brúnligur um bakið, um síðurnar er hann grábrúnur við silvurfarra og ljósum blettum. Hvítligur undir búkinum. Fjaðrarnar eru dimmar.

Eyðkenni

Tað sjáldsama kropsskapið.

Týdningur

Mánafiskur hevur ikki vinnuligan týdning.

ES

Tann størsti mánafiskur, sum vitan er um, var 3,1 m langur og vigaði 2235 kg. (Carwardine, 1995). Hetta var við Birdoynna í Avstralia.

Nøvn á fiski á øðrum máli
Før:Mánafiskur
Lat:Mola mola
Ala:Ocean sunfish
Azo:Peixe-lua
Dan:Klumpfisk
Eng:Sunfish, Mola, Moonfish, Ocean sunfish
Fin:Möhkäkala
Fra:Poisson lune, Mole, Molebut
Gri:Fegarópsaro
Ísl:Tunglfiskur
Ita:Pesce luna, Pesce mola
Jap:Manbô
Ned:Maanvisch
Nor:Klumpfisk, Månefisk
Pol:Samoglów
Por:Lua, Benzedor, Bezedor, Orelho, Peixe lua, Rolim
Rus:Luna ryba, Ryba solntse
Spa:Pez luna, Atalo, Bot, Mola, Peixe lua, Rodador
Sve:Klumpfisk
Týs:Mondfisch, Klumpfisch
USA:Ocean sunfish

Vit viðmæla

Viðkomandi tíðindi

Øll tíðindi