Aftur til 
Vís undanfarnu úrslit
Lumpenus lampretaeformis
Longubróðir er langur og klænur fiskur. Kroppurin er umleið 15 ferðir longri, enn hann er høgur. Hann hevur eina ryggfjøður eftir øllum bakinum, tó væl skild frá stertinum. Hann hevur eina gotfjøður frá gotinum aftur í klingruna. Hann hevur stórar uggafjaðrar og smáar og smalar búkfjaðrar. Sterturin smalkar út í ein spíss aftureftir.
Undir Føroyum er longubróðir fingin bæði inni á firðum og úti á landgrunninum. Hann er annars frá norðara parti av Bretsku Oyggjunum, í donskum sjógvi og vestara Eystarasalti. Til Svalbarðs og Novaja Semlja, Jan Mayen, Íslands og Grønlands. Í Vesturatlantshavinum er hann frá Baffinslandi og Labrador til Massachussetts.
Stødd
Longubróðir verður upp ímóti 50 cm langur, tó sjáldan longri enn 30-35 cm.
Dýpi
Hann er úr 10 m niður á 200 m, vanligast úr 40 m niður á 100 m.
Litur
Longubróðir er ljósgulbrúnur, kanska viðhvørt grønligur, síðurnar eru brúnblettutar, mynstrutar við bláligum farra.
Eyðkenni
Langi kroppurin. Liturin. Er munin klænri enn tarabrosma, og fæst ikki inni í fjøruni.
Týdningur
Longubróðir hevur ikki vinnuligan týdning.
| Før: | Longubróðir, Stóri longubróðir |
| Lat: | Lumpenus lampretaeformis |
| Dan: | Spidshalet langebarn |
| Eng: | Snake blenny, Lumpenus |
| Fin: | Elaska |
| Ísl: | Stóri mjóni |
| Nor: | Stort langebarn |
| Pol: | Tasmiak dlugi |
| Rus: | Ljumpenus minogovidnyj |
| Sve: | Spetsstjärtat långebarn, Tångbrosme |
| Týs: | Spitzschwänziger Bandfisch, Bandfisch, Schlangengrundel |
Altjóða havrannsóknarstovnurin ICES kunngjørdi í dag nýggjastu ráðgevingina fyri hýsu og upsa í føroyskum havøki. Ráðgevingin byggir á nýggjastu stovnsmetingarnar av hesum fiskastovnum. ICES mælir til, at veiðan av hýsu…
Rannsóknarskipið Jákup Sverri er júst liðugur árliga merkingartúrin. Í ár var dentur lagdur á at merkja fisk á Føroyabanka, tí nú er aftur væl at fáa av toski. Eisini er…
Rannsóknarskipið Jákup Sverri er júst liðugur við árligu yvirlitstrolingina á djúpum vatni kring Føroyar, har 51 hál á ein tíma vórðu tikin. Á túrinum vórðu skrásett 88 ymisk sløg av…
Mest loyvda veiða í 2024 lækkar munandi fyri norðhavssild og nakað fyri makrel, men hækkar nakað fyri svartkjaft. Makrelur Tilmælið fyri makrel er 739.386 tons fyri 2024, sum er ein…
