UArctic Congress 2026

UArctic Congress 2026 verður hildin í Havn frá 26. til 29. mai 2026. Evnini á ráðstevnuni eru í samsvari við raðfestingarnar hjá ríkisfelagsskapinum, sum nú hevur formansskapin í Arktiska Ráðnum.

Dentur verður lagdur á burðardygga menning, luttøku hjá upprunafólki og heildarviðurskifti viðvíkjandi umhvørvisrøkt.

Tey 5 høvuðsevnini eru:

• Burðardygg vinnulig menning og altjóða samstarv
• Hav og havrannsóknir
• Veðurlagsbroytingar í Arktis
• Lívfrøðiligt margfeldi
• Upprunafólk og samfeløg í Norðri

Sum nakað serligt verður havráðstevnan hjá Arktiska Ráðnum, Ocean Connectivity Conference, partur av UArctic Congress 2026. Talan verður tí um tvinnar ráðstevnur við einari samanflættaðari skrá. Í skránni finnur tú alt, sum hevur við Ocean Connectivity Conference at gera, við at skriva “Ocean Connectivity Conference” í leitifeltið.

Melda til ráðstevnuna her

Melda til 1 dag á ráðstevnuni her

UArctic Congress er ein ráðstevna, ið verður hildin annaðhvørt ár. Hon samansjóðar vísindaliga ráðstevnu og høvuðsfundir í UArctic-netverkinum.

UArctic Congress 2026 verður skipað av Fróðskaparsetri Føroya í samstarvi við Havstovuna og Uttanríkis- og vinnumálaráðið.