Streymmátarar settir út aftur
Køldu og heitu streymarnir við Føroyar (Havsins Kalda Hjarta) hava stóran týdning fyri sirkulasjónina í heimshøvunum. Havstovan hevur samanhangandi mátað styrkina av hesum streymum síðani 1996. Magnus Heinason hevur júst sett streymmátararnar útaftur, og hesir skulu liggja í sjónum í eitt ár.
Á sama túri bleiv eisini ein skurður frá aldumátaranum vestanfyri hjá Landsverki og inn í Hestfjørð tikin, við mátingum av hita, saltinnihaldi, mongd og sløg av algum (plantuæti) og konsentrasjón av tøðsøltum. Vit sóu at sera lítil gróður hevur verið inni á Landgrunninum higartil í ár, meðan meiri gróður er í sonevnda sjóvarfalsfrontinum, og úti á opnum havi. Data verða brúkt til betur at skilja, hví so man vera.
Eisini bleiv nýggj útgerð til at máta mongd av djóraæti roynd. Hendan riggaði, sum hon skal.
